Azərbaycanın qeyri-neft sektoruna sərmayələr təqribən 90 faiz artıb
Azərbaycan, Bakı, 15 iyul/ Trend , müxbir İ.Xəlilova/ Birinci yarımildə müəssisələr və təşkilatlar tərəfindən bütün maliyyə mənbələrində ölkə iqtisadiyyatının inkişafına 3643,4 mln. manat yatırılıb ki, bu da ötən ilin analoji dövrü ərzində əsas kapitala sərmayə yatırımlarını 31,9 faiz ötür. Dövlət Statistika Komitəsindən çərşənbə axşamı bildiriblər ki, özəl mülkiyyətdə olan müəssisələr və təşkilatlar əsas kapitala 1483,1 mln. manat (bütün investisiyaların 40,7 faizi), dövlət mülkiyyətində olanlar isə - 2160,3 mln. manat (59,3 faiz) yatırıblar.
Təmir-tikinti işlərinə yatırılan investisiyaların həcmi 48,1 faiz artaraq 2233,5 mln. manat təşkil edib. İstehsal yönümlü obyektlərin tikintisi üçün 2864,7 mln. manat (78,6 faiz) investisiya istifadə edilib, qeyri-istehsal obyektlərinə isə 778,7 mln. manat (21,4 faiz) yatırılıb.
Xüsusi çəkisi 31,4 faiz olan xarici sərmayələr 143,7 mln. manat təşkil edib. Müvafiq olaraq, sərmayələrin ümumi həcmindən 68,6 faiz (2499,7 mln. manat) daxili sərmayələrin payına düşüb. Onların həcmi ötən ilin birinci yarım ili müqayisədə 67,6 faiz artıb.
Əsas kapitala yatırılan vəsaitlərin 38,5 faizi (1404,4 mln. manat) ölkənin neft sektorunun inkişafına, 61,5 faiz isə (2239 mln. manat), qeyri-neft sektorunun inkişafına yönəldilib. Qeyri-neft sektoruna sərmayələr ötən ilin analoji dövrü ilə müqayisədə 89,5 faiz artıb.
Bununla yanaşı,sərmayələr 47 faizi sənaye sahələri, 2,9 faizi - kənd təsərrüfatı, 0,5 faiz - ticarət və xidmətlər, 26 faiz - nəqliyyat, 1,9 faiz - rabitə, 7,1 faiz - mənzil tikintisi, 2,5 faiz - səhiyyə, 2,6 faiz təhsil, 9,5 faiz digər sahələrin payına düşür.
Maliyyələşdirilməsi dövlət büdcəsinin hesabına həyata keçirilən obyektlərin tikintisinə 1382,2 mln. manat yatırılıb ki, bu da 2008-ci il dövlət büdcəsində kapital yatırımları üçün təsdiq edilən 4326,3 mln. manat həcmində vəsaitlərin 31,9 faizini təşkil edir. İstifadə edilmiş vəsaitlərin 3/4-ü tikinti-təmir işlərinə yönəldilib.
Müəssisə və təşkilatların hesabına əsas kapitala 1765,2 mln. manat (sərmayələrin ümumi həcminin 48,4 faizi), bank kreditləri hesabına - 100,9 mln. manat (2,8 faiz), büdcə vəsaitləri - 1453,1 mln. manat (39,9 faiz), büdcədənkənar fondlar - 220,3 mln. manat (6 faiz), əhalinin şəxsi vəsaitləri - 102 mln. manat (2,8 faiz), digər vəsaitlər hesabına isə, 1,9 mln. manat (0,1 faiz) yatırılıb.
İyulun 15-nə olan cari məzənnə - 0,8051 AZN/USD
Müəlliflə əlaqə saxlamaq üçün elektron ünvan - [email protected]
