Azərbaycan, Bakı, 17 iyul/ Trend , müxbir İ.Xəlilova/ Kapital Bank-da prosessinq mərkəzinin yaradılması onun Visa International MasterCard beynəlxalq ödəmə sistemlərində serfitikatlaşdırılması zərurətindən yubanır. Bu barədə cümə axşamı bankdan məlumat veriblər. Sistemlərin hər birinin serftifikatlaşdırmadan keçməsi üçün qrafiklər müəyyən edilib.
Əvvəllər prosessinq həllinin tətbiqi iyulun əvvəlinə planlaşdırılıb. Bankdan qeyd ediblər ki, hazırda prosessinqin quraşdırılması və sınaqdan keçirilməsi prosesi gedir. Kapital Bank-da prosessinq mərkəzinin yaradılması Kompass şirkəti tərəfindən həyata keçirilir.
Layihənin dəyəri 1,29 mln. avrodur. Onun bankın şəxsi vəsaitləri hesabına reallaşdırılması nəzərdə tutulub.
İlkin mərhələdə prosessinq Kapital Bank kartlarına xidmət göstərilmək üçün hesablanıb. Lakin gələcəkdə digər banklar üçün çıxışın genişləndirilməsi ehtimalı istisna edilmir.
Funksional baxımdan o, Azərbaycanda fəaliyyət göstərən prosessinq mərkəzlərinin imkanlarını ötəcək [Ölkədə təsisçisi Azərbaycan Beynəlxalq Bankı olan və bu gün Kapital Bank-a xidmət göstərən iki "Azərikard" və təsisçisi18 kommersiya bankı olan "Millikart" prosessinq mərkəzi fəaliyyət göstərir].
Kapital Bank-ın prosessinq mərkəzinin buraxma imkanları 2,5 mln. kart təşkil edəcək və 550 bankomat, 200 informasiya köşkü və 5 min POS -terminala xidmət göstərəcək. Hazırda bank 1,372 mln. kart buraxıb, 200 bankomatı var. İlin sonuna qədər 80-100 bankomatın quraşdırılması planlaşdırılır.
İyulun 17-nə olan cari məzənnə - 0,8058 AZN/USD.
Müəlliflə əlaqə saxlamaq üçün elektron ünvan: [email protected]
