Azərbaycan, Bakı, 21 iyul/ Trend müxbir İ.Xəlilova/ Asiya İnkişaf Bankı (AİB) dəmir yolu infrastrukturunun təkmilləşdirilməsi üzrə tədbirlərin maliyyələşdirilməsinə dair Azərbaycan hökumətilə danışıqlara hazırlaşır. Bu barədə bazar ertəsi AİB-in Bakı nümayəndəliyindən məlumat veriblər. İlkin məlumatlara görə, avqustun 13 - dən Bankın missiyasının Azərbaycana səfəri planlaşdırılıb.
[Hökumətin dəmir yolu üçün kredit ehtiyatları cəlb edəcəyi maliyyə institutlarının ilkin siyahısına AİB də daxil edilib.]
Asiya Bankı Azərbaycana ümumi məbləği $550 mln. olan multitranş paketi (Multitranche Financing Facility) və layihələrin hazırlanması üçün $1 mln.- dək texniki yardım təklif etmək niyyətindədir.
Əvvəllər təqdim edilən təkliflərdə AİB hətta qeyri-konsessiyalı borclar üzrə maliyyələşdirmə şərtlərini libor+0,6 faizdən libor+0,2 faizədək azaltmağa razı olduğunu bildirib. Yeni şərtlər üzrə kredit ehtiyatları konkret olaraq dəmir yolu layihəsinə təklif ediləcək. Onlar, səkkiz il güzəştli dövr olmaqla, 25 il müddətinə təqdim edilə bilər. Asiya Bankı borc üzrə faizlərdən əlavə xidmətlərin göstərilməsinə görə komisyon haqqlarını da azaltmağı təklif edir (0,35 faizdən 0,25 faizədək).
AİB-in vəsaitləri ölkədə dəmir yolu infrastrukturunun təkmilləşdirilməsinin ikinci mərhələsinin reallaşdırılması üçün - yeni qatarların, lokomotivlərin alınması, qatarların sürətinin artırılması üçün təklif edilə bilinər ki, bu da danışıqların gedişində konkretləşəcək.
Hökumət AİB ilə 1999 - cu ildən əməkdaşlıq edir və bu gün Bank dövlət zəmanəti altında ölkə üçün avtomobil yollarının yenidən qurulması üçün, $200 mln. nəzərə alınmaqla, $304 mln. mln. ayırıb.
İyulun 21-nə olan cari məzənnə -- 0,8056 AZN/USD.
Müəlliflə əlaqə saxlamaq üçün elektron ünvan: [email protected]