Azərbaycan, Bakı, 25 iyul/ Trend , müxbir S.Babayeva/ Azərbaycanın Əmək və Əhalinin Sosial Müdafiəsi Nazirliyi Siyəzəndə keçirilən əmək yarmarkaları nəticəsində 58 nəfəri işlə təmin edib. Bu barədə cümə günü nazirliyin Baş Məşğulluq İdarəsindən məlumat veriblər.
"Yarmarkada cəmi 42 müəssisə iştirak edib. Onlar 208 boş iş yeri təklif ediblər", - nazirlikdən bildiriblər. 10 nəfər ödənişli ictimai işlərə cəlb edilib.
Nazirlikdən onu da bildiriblər ki, ilin əvvəlindən 15 yarmarka keçirilib, 533 müəssisə təqribən 5,5 min boş yer təqdim edib, 1,3 min nəfər işə qəbul edilib.
Növbəti yarmarka iyulun 30 - da Ucarda keçiriləcək.
İlin sonunadək ölkənin 55 rayon və şəhərində yarmarkalar keçirmək planlaşdırılır. Lakin onların sayının artacağı istisna edilmir.
Əmək Nazirliyi 2007- ci ildə Azərbaycanın 55 rayonunda 57 yarmarka keçirib, nəticədə, 9056 nəfər işlə təmin edilib.
Dövlət Statistika Komitəsinin məlumatına əsasən, yanvar-may ərzində rəsmi qeydiyyatdan keçmiş işsizlərin sayı 452 min nəfər olub ki, onların da 47,7 faizini qadınlar təşkil edir. Azərbaycanda bir iş yerinə dörd rəsmi qeydiyyatdan keçmiş işsiz iddia edir.
Müəlliflə əlaqə saxlamaq üçün elektron ünvan: [email protected]
