Azərbaycan, Bakı, 28 iyul/ Trend / Ağır tonnajlı avtomobil sürücülərinin Kür çayı üzərindəki körpüdə sürət və çəkinin məhdudlaşdırılması qaydalarını pozmaları körpünün bir hissəsinin dağılmasına səbəb olub, - bazar ertəsi "Azəryolservis"ASC-dən bildiriblər. Bu körpü Azərbaycanın Şirvan şəhərini Sabirbad rayonu ilə birləşdirir.
"Sürət və çəki məhdudiyyətinə baxmayaraq, sürücülərimiz bu qaydaları yenə də pozurlar. Bu vəziyyətdən yeganə çıxış yolu yeni körpünün tikilməsidir", - ASC-dən deyiblər.
"Hazırda Kür çayı üzərindəki körpüdə hərəkət bərpa edilib. Təmir işləri aparılıb və tələblərə cavab verməyən avtomobillərin körpü üzərindən keçməsi nəticəsində dağılan bir neçə beton plitələr dəyişdirilib", - ASC-dən bildiriblər.
Böyük tonnajlı avtomobillərin (qabarit qaydalarına uyğun olmayan) yol və körpülər üzrə hərəkəti onları dağılmaq təhlükəsi qarşısında qoyur. Bu həmçinin Bakıda hərəkətin normallaşdırılması proqramı çərçivəsində tikilən yeni körpülərə də aiddir.
"Dağılmış körpüdə ağır tonnajlı avtomobillərə qoyulmuş çəki məhdudiyyəti 10 tondur. Lakin hazırda Azərbaycanın yolları ilə avtomobillərlə 50-60 ton ağırlığında olan yük daşınır", - ASC-dən deyiblər.
Bakıya böyük tonnajlı avtomobillərin daxil olması problemini həll etmək üçün hazırda yollarda daxil olan avtomobillərin çəkisini müəyyənləşdirəcək çəki tərəzilərinin quraşdırılması işi aparılır.
Hazırda yol tərəziləri respublikaya girişdə (Gürcüstanla sərhəddə) və Bakıda tikilir. Onlar asfalt örtüyün altında quraşdırılacaq və avtomobillərin çəkisini müəyyənləşdirəcək. "Bu tərəzilərin quraşdırılması, ola bisin ki, Bakıya ağır tonnajlı avtomobillərin daxil olması problemini həll etsin", - ASC-dən deyiblər.
