Azərbaycan, Bakı, 12 avqust/ Trend , müxbir İ.Xəlilova/ Azərbaycan hökuməti İslam İnkişaf Bankını (İİB) maraqlandıran məsələlər üzərində işlərin başa çatdırılmasından sonra bankı Bakıya səfər tarixi barədə xəbərdar etmək niyyətindədir. Bu barədə çərşənbə axşamı ölkənin Nazirlər Kabinetindən məlumat veriblər. Məhz bu səbəbdən avqustun 5-nə planlaşdırılan səfər təxirə salınıb.
"Onlar bu yaxınlarda səfər planları barədə məlumatlandırıblar və səfərin bir neçə məqsədi barədə xəbər veriblər, halbuki, hökumət onları su layihəsinin qiymətləndirilməsi üçün gözləyirdi", - mənbə qeyd edib.
Bankın ekspertləri üç kiçik şəhərdə su təchizatı sisteminin bərpası layihəsinin təfərrüatlı qiymətləndirilməsindən əlavə, bankın maliyyələşdirilməsində iştirak etdiyi yol layihələrinin, mənbənin hələ açıqlamaqdan imtina etdiyi bir sıra digər məsələlərin icmalını aparmaq niyyətindədirlər. Bunun üçün müvafiq dövlət strukturları hazırlaşmalıdırlar və onlardan məlumat alındıqdan sonra, Nazirlər Kabineti İİB-i Azərbaycana yeni səfər tarixinin təyin edilməsi barədə məlumatlandırmaq niyyətindədir.
Hazırda Bakı-Gürcüstan sərhədi avtomagistralının yenidən qurulması layihəsi realizə olunur. Bank bu məqsədlə $45 mln. ayırıb. Yaxın vaxtlarad Ucar-Yevlax, və Yevlax-Gəncə yollarının tikintisi üzrə işlər başlayacaq. Bank bu yolların tikintisi üçün $30 mln. ayırıb. Tikinti işləri il ərzində başa çatacaq. Bir ildən sonra İİB daha bir yol layihəsinin realizəsinə başlamaq niyyətindədir. Hazırda onun maliyyələşdirilməsi üzrə Azərbaycan hökuməti ilə danışıqlar aparılır.
İlkin qiymətləndirmələrə əsasən, su layihəsinə İslam Bankından $47- 48 mln. cəlb etmək planlaşdırılır. İİB-in güzəştli kreditinin maksimal məbləğinin 7 mln. dinar ($10,5 mln.) olması nəzərə alınmaqla, su layihəsinə kommersiya maliyyələşdirilməsi təqdim edilə bilər. Hökumət bu layihə üçün güzəştli kredit istəyib ki, bu da maliyyələşdirmə tranşlarla təqdim edildiyi halda mümkündür.
İİB-in layihəsinə Ağcabədi, Balakən və Beyləqan rayonları daxil edilib. Su layihəsi İİB-in 2008 -10 - cu illərdə yeni əməkdaşlıq proqramında nəzərdə tutulub və gələn ilin aprelində başa çatacaq 2008 - ci maliyyə ilində maliyyələşdirməyə daxil edilib.
Su layihəsindən əlavə, İİB-in bu ilki proqramına Bəhramtəpə avtomobil yolunun yenidən qurulması və Mil-Qarabağ kollektorunun yenindən qurulması layihəsi üçün texniki-iqtisadi əsaslandırmanın hazıranması və borcların idarə edilməsi üzrə Nazirlər Kabinetinin potensialının gücləndirilməsi üzrə qrantın alınması daxil edilib. Hazırda sonuncu layihə üzrə maliyyələşdirmə barədə qərar qəbul edilib.
Üçillik proqrama ümumilikdə ilkin dəyəri $220 mln. olan 10 layihə daxildir.
Avqustun 12-ə olan cari məzənnə -- 0,8136 AZN/USD.
Müəlliflə əlaqə saxlamaq üçün elektron ünvan - [email protected]
