Azərbaycan, Bakı, 18 avqust/ Trend , müxbir Ü.İsmayılova/İl ərzində Bakının daşınmaz əmlak bazarının fəallığı 18 faiz azalıb, MBA Group konsaltinq şirkətinin Baş direktoru Nüsrət İbrahimov hesab edir.
"Belə əhəmiyyətli azalma 2007-ci ilin avqustunda Bakıda binanın uçması il əlaqədardır", - İbrahimov bazar ertəsi bildirib.
2007- ci ilin avqustunda Bakının mərkəzi küçələrinin birində tikilməkdə olan 16 mərtəbəli bina uçub, nəticədə 25 nəfər həlak olub. Hadisə yerində çalışan ekspertlərin rəyinə görə, bina həm fəhlələrin qeyri-peşəkarlığı, həm də keyfiyyətsiz tikinti materiallarından istifadəyə görə baş verib. Bina uçduqdan sonra Bakının daşınmaz əmlak bazarının fəallığı qəflətən 34 faiz azalıb. Bazarın tədricən təzələnməsi 2008-ci ilin yanvarından başlayıb.
Ekspertin rəyinə görə, il ərzində daşınmaz əmlakın alqı-satqısı üzrə əməliyyatlar 6-7 faiz, bu vaxt ərzində bazarda təkliflər isə 26 faiz azalıb.
"2007-ci ilin yayından qiymət artımı, ilin əvvəlində proqnozlaşdırıldığı kimi, 20 faiz olub", - İbrahimov bildirib.
Müəlliflə əlaqə saxlamaq üçün elektron ünvan: [email protected]