Azərbaycan, Bakı, 19 avqust/ Trend , müxbir Ü.Ismayılova/ Azərbaycan Sığortaçılar Assosiasiyası Idarə Heyətinin yeni sədri Cəmil Məlikov avqustun 25-də öz vəzifə səlahiyyətlərinin icrasına başlayacaq, - çərşənbə axşamı MBASK-ın meneceri Rəşid Sultanov deyib.
"Məlikovun öz vəzifə səlahiyyətlərinin icrasına gecikməsi, iyulda Bakıda keçirilmiş Birinci Beynəlxalq Sığortaçılar Forumu ilə əlaqədardır", - Rəsulov bildirib.
İyulun 10-11-də Bakıda Azərbaycan Sığortaçılar Assosiasiyasının təşkil etdiyi I Azərbaycan Beynəlxalq Sığorta Forumu keçirilib. Forum Azərbaycan Maliyyə Nazirliyinin dəstəyi ilə keçirilib.
Məlikovun Assosiasiyanın Idarə Heyətinin sədri vəzifəsini tutması, təşkilatın Nizamnaməsində nəzərdə tutulub. Nizamnaməyə uyğun olaraq, Müşahidə Şurasına Azərbaycanın beş sığorta şirkəti - MBASK, Standard Insurance, Beynəlxalq Sığorta Şirkəti, Azərsığorta, Atəşgah daxildir. Birinci iclasda Müşahidə şurasının birinci sədri Standard Insurance-in Baş direktoru Kamal İbrahimov, sədr müavini isə MBASK-ın Idarə Heyətinin sədri Cəmil Məlikov seçilib.
Azərbaycan Sığorta şirkətləri Assosiasiyası Idarə Heyətinin hər beş üzvündən biri növbə ilə bir il müddətinə təşkilatda sədrlik edirlər.
Fəaliyyət göstərən bütün şirkətlərin daxil olduğu Azərbaycan Sığortaçılar Assosiasiyası 2006-cı ilin dekabrında təsis edilib.