Azərbaycan, Bakı, 20 avqust/ Trend , müxbir İ.Xəlilova/ Azerdemiryolbank Azərbaycanda Beynəlxalq Maliyyə Korporasiyasının (BMK) tələblərinə cavab verən lizinq əməliyyatlarının həyata keçirilməsi üzrə yeni siyasət hazırlayır,- bankın İdarə Heyətinin sədri Roman Əmircanov bildirib. Bank yarım il əvvəl xüsusi şöbə yaradaraq, lizinq əməliyyatlarına başlayıb.
"Hazırda bizim özünü doğruldan şəxsi lizinq proqramımız və daxili prosedurlarımız var. Lakin BMK ilə sazişin şərtlərindən biri yeni siyasətin hazırlanmasıdır" - Əmircanov dəqiqləşdirib.
BMK-ın Direktorlar Şurası Azerdemiryolbank-a lizinq əməliyyatları üçün $5 mln. məbləğində kredit xəttinin açılmasını təqdir edib. Bank rəhbərinin sözlərinə görə, yaxın iki ayda BMK-nın tələbləri üzrə prosedurların formalaşdırılması üzərində iş başa çatdırılacaq və kredit müqaviləsinin imzalanma tarixi müəyyən ediləcək.
Əmircanov hesab edir ki, hazırda lizinq şöbəsi bir ildən az müddətdə fəaliyyət göstərməsinə baxmayaraq, özünü tamamilə doğruldur. Onun portfeli artıq 4 mln. manat təşkil edir.
"Ən başlıcası, bünövrə yaratmaq, daxili prosedurları hazırlamaq və bu proseslərə başlamaqdır ki, bu da müxtəlif maliyyə institutlarından vəsaitlər cəlb etməyə imkan verəcək", - bankir hesab edir.
BMK-ın kreditinin lizinq əməliyyatlarına cəlb edilməsi faiz dərəcələrinin bahalaşmasına gətirəcək. Hazırda dərəcələr ilkin əmanət, biznes sahəsindən asılı olaraq, 21-22 faiz təşkil edir. BMK-ın şərtlərinə əsasən, Korporasiyanın vəsaitləri hesabına həyata keçirilən bu əməliyyatara hüquqi şəxslərin çıxışı olacaq.
Azerdemiryolbank hələ ki lizinq şöbəsinin statusunu dəyişmək niyyətində deyil; mövcud qanunvericlik banka lizinq əməliyyatları aparmağa imkan verir.
"Hazırda lizinq obyekti olan mallara vergi tətbiqi ilə bağlı məsələlərin olmasına baxmayaraq, biz ümid edirik ki, hökumət lizinqə münasibətinə yenidən baxacaq, - Əmircanov bildirib. Biz artıq öz təkliflərimizi Lizinq Təşkilatları Assosiasiyasına təqdim etmişik".
Onun rəyinə görə, vergi qanunvericiliyində dəyişkliklərdən sonra ixtisaslaşmış şirkət yaratmaq məna kəsb edəcək. Belə ki, bu iqtisadi məqsədəuyğunluq məsələsinə, lizinq əməliyyatlarının bankın biznes-fəaliyyətinə təsirinə, həmçinin, daxili rəqabətə söykənir.
Avqustun 20-nə olan cari məzənnə -- 0,8138 AZN/USD.
Müəlliflə əlaqə saxlamaq üçün elektron ünvan: [email protected]
