Azərbaycan, Bakı, 21 avqust/ Trend , müxbir İ.Xəlilova/ Azerdemiryolbank kənd yerlərinin aqromaliyyələşdirilməsi layihəsi çərçivəsində kredit üzrə Alman İnkişaf Bankı KfW ilə danışıqlar aparır, -Azərbaycan bankının İdarə Heyəti sədri Roman Əmircanov bildirib. Danışıqlar iki ay ərzində davam etdiriləcək.
Aqrosektorun maliyyələşdirilməsi üçün Azərbaycana ayrılan 6 mln. avro məbləğində ümumi kreditdən 2 mln. avro Azerdemiryolbank-a təqdim ediləcək.
"Hazırda dünya maliyyə böhranı ilə əlaqədar regiona maliyyə ehtiyatlarının cəlb edilməsi bir qədər çətinləşib. Bununla əlaqədar, KfW də regionda hər şeyin yaxşı inkişaf etdiyinə əmin olmaq istəyir", - Əmircanov bildirib.
Azerdemiryolbank paralel olaraq kənd təsərrüfatına kreditlərin verilməsi istiqamətində kadrların hazırlığını aparır. Artıq bir seminar keçirilib və bu həftə yeni treninqlər başlayacaq. Bankın 30 regional filialının kənd yerlərinə kreditlər verməsinə baxmayaraq, Əmircanov qeyd edib ki, yeni maliyyə ehtiyatlarının cəlb edilməsi ilə "kənd təsərrüfatına kreditlərin ayrılmasına yeni psixologiya və yeni texnologiyanın cəlb edilməsi" nəzərdə tutulur.
"Bu, ölkə iqtisadiyyatı və bank sektoruna səmərə verəcək, - bankir bildirib. Bu bizim bazar üçün yenilik olacaq. Belə ki, sovet dövründən fərqli olaraq, fermerlər kreditləri bir ildən sonra deyil, məhsuldan asılı olaraq, daha qısa müddətdə qaytaracaqlar".
Onun rəyinə görə, yaxın ölkələrdən Gürcüstanda bu sistem yaxşı işləyir.
KfW bu layihə üzrə kredit ehtiyatlarını iki bank və bir bank olmayan kredit təşkilatı vasitəsilə mənimsəməyi planlaşdırır. Kredit vəsaitləri onların arasında bərabər şəkildə bölünəcək. Hazırda yalnız CredAgro bank olmayan kredit təşkilatı ilə müqavilə imzalanıb. Bank Respublika və Azerdemiryolbank ilə danışıqlar hələ də davam edir.
Alman bankı vəsaitləri subordinasiya edilmiş kredit qismində ayırmaq niyyətindədir. Belə kreditlər ikinci səviyyənin kapitalına əlavə edilsə də, vəsaitlər kənd əhalisinə kreditlərin ayrılması üçün nəzərdə tutulub.
Birinci mərhələdə Şəki-Zaqatala və Qaxın kənd yerlərini əhatə ediləcək.
Kreditlərin şərtləri bankların Alman-Azərbaycan Fondu vasitəsilə maliyyələşdirilməsi şərtlərinə bənzər olacaq.
Müəlliflə əlaqə saxlamaq üçün elektron ünvan: [email protected]
