Azərbaycan, Bakı, 01 sentyabr / Trend müxbir S.Babayeva/ Yanvar-iyulda Naxçıvan Muxtar Respublikasına (NMR) 142 mln. manat sərmayə yatırılıb və bu 2007-ci ilin analoji dövrü ilə müqayisədə 38,3 faiz çoxdur, NMR-in Bakıdakı daimi nümayəndəliyindən bazar ertəsi bildiriblər.
Yeddi ay ərzində tikinti şirkətləri NMR-də 110 mln. manatlıq iş görüblər ki, bu da 2007-ci ilin eyni göstəricisindən 42,1 faiz çoxdur.
Yerinə yetirilən tikinti işlərindən 75,2 mln. manat yeni tikililər, yenidənqurma və bərpa işlərinin, 25 mln. manat əsaslı təmir, 5,8 mln. manat cari təmir, 5196,9 min manat digər tikinti işlərinin payına düşüb.