Azərbaycan, Gəncə, 04 sentyabr/ Trend , müxbir Məmmədov/ Yay aylarında Azərbaycanın ikinci böyük şəhəri olan Gəncədə daşınmaz əmlakın qiyməti təxminən 20 faiz artıb. Bu barədə məlumatı Trend-ə "B.E.C. Consulting MMC-nin Gəncə filialının direktoru Ceyhun Əliyev bildirib.
Onun sözlərinə görə, hazırda şəhərdə olan yeni tikililərdə bir kvadrat metr daşınmaz əmlakın qiyməti 600-900 manat arasındadır.
"Əgər aprel ayında Gəncədə 3 otaqlı evi 35 min manata almaq mükün idisə, indi həmin evin qiyməti təxminən 48 min manata çatıb", - deyən Əliyev bildirib ki, ötən il payız aylarında daşınmaz əmlakın qiyməti Gəncədə təxminən 40 faiz artıb.
Bu ilin payızında isə qiymətlərin 40 faizdən də çox qalxacağı proqnozlaşdırılır.
