Azərbaycan, Bakı, 10 sentyabr / Trend / Azərbaycanın Kənd Təsərrüfatı Nazirliyi nəzdində Dövlət Baytarlıq Xidməti 2008-ci ildə epizootik tədbirlər çərçivəsində bioloji dərman və diaqnostikumların alınması üzrə şirkəti müəyyən edib. Dövlət Xidmətinin verdiyi məlumata görə, Ukraynanın MVV- Instruments şirkəti avqustun 27-də keçirilən tenderin qalibi olub.
Dərmanlar dövlət büdcəsindən ayrılan vəsaitlər hesabına alınacaq.
Dövlət Xidmətinin müvafiq müqavilə imzalayacağı tenderin qalibi 2008-ci ilin dekabrınadək dərman və diaqnostikumları təqdim etməlidir.
Dövlət Baytarlıq Xidməti ölkədə epizootik vəziyyəti sabitləşdirmək üçün hər il analoji tədbirlər görür.
