...

Dünya likvidlik böhranı Azərbaycan bankının xarici kreditlər portfelini iki dəfə artırmasına mane olmayacaq

Biznes və iqtisadiyyat xəbərləri Materials 15 Sentyabr 2008 14:46

Trend-i buradan izləyin

Azərbaycan, Bakı, 15 sentyabr / Trend , müxbir İ.Xəlilova/ "AccessBank" 2008-ci ildə xarici kapital bazarlarından cəlb edilən xarici kreditlər portfelini iki dəfə artırmağı planlaşdırır və onların ümumi həcmi $100 mln.-u ötəcək, bankın Baş meneceri Endrü Pospiyelovski bazar ertəsi keçirilən və bankın adının dəyişdirilməsinə həsr olunmuş mətbuat konfransında bildirib. Bank 6 il əvvəl Azərbaycan Mikromaliyyələşdirmə Bankı kimi fəaliyyətə başlayıb.

"Dünya likvidlik böhranı ilə əlaqədar beynəlxalq bazarlardan vəsait cəlb etmək çətinləşsə də, mikromaliyyə sektorunda aşağı risklə əlaqədar maliyyə dünyasında bu sektora maraq artır", - Pospiyelovski bildirib.

Onun rəyinə görə, beynəlxalq reytinq agentliyi "Fitch Ratings"dən Azərbaycanın özəl maliyyə institutları arasında ən yüksək olan "BB+" səviyyəsində uzunmüddətli emitent defoltu reytinqinin alınması da banka etibarı artırır.

"Bununla yanaşı, sərmayədarları uzun müddət bizim institutun gücünün qəbul edilməsinə inandırmaq lazım gələcək və mümkündür ki, cəlb edilən vəsaitlərin həcmi hətta $200 mln.-a çatsın", - "AccessBank"ın rəhbəri hesab edir.

Bank 2006-cı ildə $30 mln., 2007-ci ildə isə - $60 mln. vəsait cəlb edib.

Azərbaycan Mikromaliyyələşdirmə Bankı mikro və kiçik müəssisələr, həmçinin kiçik və orta gəlirli ailələrlə iş üçün yaradılıb. Bank 100% xarici kapitala malikdir. O Avropa Yenidənqurma və İnkişaf Bankı, Beynəlxalq Maliyyə Korporasiyası, Qara Dəniz Ticarət və İnkişaf Bankı, KfW Alman İnkişaf Bankı (20% hər biri), strateji investor qismində mikromaliyyələşdirmə sahəsində fəaliyyət göstərən AccessHolding-in (16,5 faiz) və LFS Financial Systems GmbH alman konsaltinq şirkətinin (3.5%) mülkiyyətindədir.

Sentyabrın 15-nə olan cari mübadilə məzənnəsi -- 0,8118 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti