...

Naxçıvanda kartof əkini üçün idarə və müəssisələrə torpaq ayrılıb

Biznes və iqtisadiyyat xəbərləri Materials 17 Sentyabr 2008 07:49

Trend-i buradan izləyin

Azərbaycan, Naxçıvan. 17 sentyabr. / Trend , müxbir E.Məmmədov/ Naxçıvanda kartof əkini üçün idarə və müəssisələrə torpaq ayrılıb. Bu barədə muxtar respublikanın Kənd Təsərrüfatı Nazirliyində mətbuat nümayəndələri üçün keçirilən brifinqdə açıqlama verilib. Belə ki, bu il ilk dəfə muxtar respublikanın idarə, müəssisə və təşkilatlarında çalışan hər 5 nəfərə 1 hektar torpaq sahəsi ayrılıb.

Brifinqdə qeyd olunub ki, burada məqsəd əkini üçün əlverişli iqlim şəraitinə malik olan Naxçıvan Muxtar Respubikasında kartof əkini sahələrinin genişləndirilmək və istehsalın artırılması məqsədi ilə muxtar respublikanın kartofa olan tələbatını yalnız yerli istehsal hesabına ödənilməsinə nail olmaqdır. Bununla əlaqədar olaraq idarə, müəssisə və təşkilatlarına torpaq sahələri bölünüb.

Yaxın günlərdə əkinlə əlaqədar təşkilatlara kreditlər veriləcək, gübrə paylanacaq və müxtəlif texnikalar ayrılacaq.

Qeyd edək ki, ötən il bu qayda ilə muxtar respublikada taxıl əkini həyata keçirilmişdi və öz müsbət təsirini göstərmişdi.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti