Azərbaycan, Bakı, 18 sentyabr/ Trend , müxbir Ü.İsmayılova/ Son iki il ərzində ilk dəfə Bakıda Almaniyanın Mercedes-Benz avtomobillərinə tələbat azalıb, -"Əmlak Bazarı İştirakçıları" İctimai Birliyindən cümə axşamı bildiriblər. Bu avtomobillərə tələbat 3,6 faiz azalıb.
Avqustda bazarın portfelində Mercedes-Benz avtomobillərinin payı 34,4 faiz olub. Monitorinqin nəticələrinə əsasən, son vaxtlar alıcılar yeni maşınlara üstünlük verirlər. Bununla əlaqədar təkrar bazarda böyük əksəriyyəti təşkil edən 1990 -1998 - ci illərin buraxılışı olan Mercedes-Benz markalı avtomobillərə tələbat xeyli azalıb.
Tələbat səviyyəsinə görə, Bakının avtomobil bazarında ikinci yeri BMW markalı avtomobillər tutur. Bu markanın bazarda payı 13,4 faizədək artıb. Üçüncü yerdə Almaniyanın Opel markalı avtomobilləri gəlir və onların bazardakı payı 8,1 faizədək artıb.
Müəlliflə əlaqə saxlamaq üçün elektron ünvan: [email protected]