Azərbaycan, Bakı, 22 sentyabr/ Trend , müxbir N.İsmayılova/ Türkiyənin YapiKreditBank-ı bazar ertəsi Azərbaycanın İSR Holding-i ilə Azərbaycanda Hilton mehmanxanasının tikintisi layihəsinin maliyyələşdirilməsi haqqında kredit sazişi imzalayıb,- Bankın yeni baş ofisinin binasının açılış mərasimində iştirak edən YapiKrediBank Azerbaijan-ın Baş direktoru Coşkun Bulaq bazar ertəsi bildirib.
"Biz İSR Holding ilə uzun müddətdir ki, əməkdaşlıq edirik və bu qrupun yatırımlarını dəstəkləyirik", - Bulaq bildirib.
Ümumi həcmi $86 mln. olan kreditin $81 mln.-u YapiKrediBank, qalan $5 mln.-u isə, YapiKrediBank Azerbaijan tərəfindən yatırılıb. Kredit ehtiyatları 10 il müddətinə və güzəştli faiz dərəcələri ilə ayrılıb.
300 nömrəlik yeni Hilton Baku mehmanxanasının açılışı 2010-cu ilin dekabrına təyin edilib.
Hilton mehmanxana korporasiyası dünya mehmanxana bazarında lider mövqelərini tutur və 76 ölkədə 2800 -dən çox mehmanxana və 480 min nömrə ona məxsusdur. Mehmanxanadan əlavə, kompleksə iki restoran, sağlamlıq mərkəzi, qapalı hovuz, biznes-mərkəz və dayanacaq daxil olacaq.
YapiKrediBank Azerbaijan artıq 10 ildir ki, Azərbaycanın bank sektorunda fəal iştirak edir. Hazırda bankın aktivləri $125 mln.-a çatır. Bank 1300 hüquqi və 18 min fiziki şəxsə bank xidmətlərinin tam spektrini göstərir. Bank ilin sonunadək fəaliyyət dairəsini genişləndirmək niyyətindədir.
Sentyabrın 22-nə olan cari mübadilə məzənnəsi -- 0,8111 AZN/USD.
Müəlliflə əlaqə saxlamaq üçün elektron ünvan: [email protected]