Azərbaycan, Bakı, 09 oktyabr/ Trend , müxbir N.İsmayılova/ Qara dəniz Ticarət və İnkişaf Bankının (QTİB) səhmdarları Nordic Investment Bank-a (NIB) müşahidəçi statusunun verilməsi haqqında qərar qəbul ediblər. Bu qərar Bankın İdarəçilər Şurasının oktyabrın 5-də İstanbulda keçirilən iclasında qəbul edilib.
NİB KfW Bank Qrupu (Almniya, Avropa Sərmayə Bankı (EİB) Avstriya İnkişaf Bankı (OeEB) və İnkişafın Maliyyələşdirilməsi üzrə Avropa Təsisatları Assosiasiyasından (EDFİ) sonra QTİB - in beşinci müşahidəçisi olub.
Müşahidəçi statusu iki beynəlxalq inkişaf bankı arasında bir-birinin ekspertizası və müqayisəli üstünlüklərdən fayda götürməklə əməkdaşlıq imkanlarının araşdırılmasına yönələn sıx müntəzəm əlaqələrin yaradılmasını nəzərdə tutur. Əməkdaşlıq üçün prioritet sahələrə birgə maliyyələşdirilən layihələr; spesifik infrastruktur; ətraf mühit, kiçik və orta sahibkarlığın dəstəklənməsi, QTİB-in Qara dəniz regionunda əməliyyatlarının maliyyələşdirilməsi ilə bağlı layihələr; texniki yardım; ölkələrin strategiyaları üzrə informasiya mübadiləsi; bazarla bağlı informasiyalar, personal mübadiləsi proqramları; Qara dəniz regionunda sahibkarlıq sektorunun inkişafında birgə təşəbbüslər və s. daxildir.
NİB-ə qeyri - məhdud dövrə müşahidəçi statusu 2008 - ci il oktyabrın 5 - dən verilir.
Müəlliflə əlaqə saxlamaq üçün elektron ünvan: [email protected]
