Azərbaycan, Bakı, 09 oktyabr/ Trend , müxbir İ.Xəlilova/ "Millicart Məhdud Məsuliyyətli Cəmiyyəti (MMC) Dünya Bankının (DB) Azərbaycanın Milli Bankına (AMB) prosesinq mərkəzinin yaradılması üçün verdiyi kredit üzrə $1,8 mln.məbləğində ikinci ödənişi edib", - cümə axşamı mərkəzin icraçı direktoru Cəlal Orucov deyib. Birinci ödəniş kimi, ikinci ödəniş də 0,56 mln.manat məbləğində edilib.
"Bu vəsaitlər Milli Banka verilib və alıcı kimi DB ilə özü hesablaşacaq", - Orucov bildirib.
Kreditin ödənilməsi növbəti il başa çatacaq.
AMB prosesinq mərkəzini banklara maya dəyərinə - $3,5 mln. verib. AMB mərkəzin yaradılmasına, proqram təminatı və avadanlığın alınmasına, Visa və MasterCard beynəlxalq ödəmə sistemlərində sertifikatlaşdırmaya, əməkdaşların treninqinə bu həcmdə xərc çəkib. DB-nin "Azərbaycanın maliyyə sektoruna texniki yardım"layihəsi çərçivəsində ayırdığı $1,8 mln.məbləğində kredit də bu xərclərə daxildir. Bundan əlavə, AMB-nin $1,7 mln. şəxsi vəsaitlərindən yatıtılıb.
MMC 2006 - cı il iyulun 14 - də təsis edilib. Mərkəzin təsisçiləri bunlardır: Atabank, Azərdəmiryolbank, Azertürkbank, Bank of Baku, Azərbaycan Sənaye Bankı, Debütbank, Əmrahbank, Xalqbank, Kredobank, Azərbaycan Mikromaliyyələşdirmə Bankı, ParaBank, Rabitəbank, Bank Respublika, Bank Standard, Texnikabank, Turanbank, UniBank və Zaminbank.