Azərbaycan, Bakı, 14 oktyabr/RBC Group Caspian Shipyard Company (Socar/Keppel Fells) BM-in sifarişi üzrə bütün şirkət üzrə personalın uğurlu idarəsi sahəsində vahid siyasət və prosedurlara ciddi surətdə riayət etməklə, inteqrasiya edilmiş, müasir kadr kargüzarlığı, əmək haqqının hesablanması və proseslərin avtomatlaşdırılması sistemini tətbiq edəcək,- RBC Group - un məlumatında bildirilir.
Yeniliklərin əsas vəzifəsi kadr inzibatçılığının bütün funksiyalarını, tabel uçotu və əmək haqqının hesablanmasını; həm bütün layihə üzrə birləşdirilmiş, həm də müxtəlif layihələrdə iştirak edən struktur bölmələri baxımından, hesabatlılığın alınmasını tamamilə avtomatlaşdırmağa imkan verəcək vahid sistemin işənilməsidir
Caspian Shipyard Company BM 1997-ci ildə yaradılıb və Xəzər regionunda işləyən əcnəbi neft şirkətlərinin ən iri podratçılarından biridir. Müəssisə tikinti, gəmilərin, qazma qurğularının və digər neft -qaz dəniz qurğularının təmiri və onlara xidmət göstərilməsi üzrə xidmətlər göstərir. Bu gün BM-in əməkdaşlarının sayı 1000 nəfəri ötür.
RBC Group Azerbaijan-ın məsləhətçiləri artıq HRB sisteminin tətbiqinə başlayıblar. Birinci mərhələdə sifarişçinin tələbləri müəyyən ediləcək, razılaşdırılmış texniki vəzifə hazırlanacaq. Sonra personalın idarə edilməsi, tabel uçotu və əmək haqqının hesablanması modulları tətbiq ediləcək.
RBC Group - MDB ərazisində işləyən və biznes üçün proqram təminatı ilə bağlı peşəkar xidmətlər və dəstək göstərən şirkətidr. Şirkətin Azərbaycan, Qazaxıstan, Rusiya və Ukraynada ofisləri fəaliyyət göstərir.