Azərbaycan, Bakı, 22 oktyabr/ Trend , müxbir Ü.İsmayılova/ "Azərbaycanın iri tikinti şirkəti Akkord Bakıda üç yeni şəhərciyin tikintisi üzrə layihə hazırlayır", - şirkətin ictimaiyyətlə əlaqələr şöbəsinin rəhbəri Afaq Quliyeva çərşənbə günü bildirib.
"İlk şəhərcik Yasamal rayonunda (Patamdar qəsəbəsi), ikinci - Xocahəsən qəsəbəsində, üçüncü isə Novxanı qəsəbəsində tikiləcək", - Quliyeva bildirib.
Onun sözlərinə görə, bu yeni yaşayış komplekslərinin tikintisi hazırda davam edən layihələr tam başa çatdıqdan sonra başlayacaq. Bu layihələr üzrə işləri 2009 - cu ilin martına - Novruz bayramına başa çatdırmaq planlaşdırılır.
Yeni yaşayış komplekslərindəki mənzillər əvvəlki kimi - ilkin ödənişsiz, 24 il müddətinə kreditlə satılacaq.
Yeni komplekslərin tikintisinə yatırılacaq sərmayələrin həcmi hələ dəqiqləşdirilir.
Akkord İnsaat-Senaye şirkəti 2005 - ci ildə Azərbaycanda fəaliyyətə başlayıb və hazırda ölkənin tikinti sektorunda liderdir. Bu gün Bakı və regionlarda 15 beton, iki kərpic zavodu, mərmər, qranit, metal konstruksiyalar, paslanmayan materiallar, boru-beton konstruksiyalar, qum və çınqılın emalı üzrə müəssisələr fəaliyyət göstərir. Şirkət yaşayış evlərindən başqa, körpülər, yollar, piyada keçidləri tikir.
Müəlliflə əlaqə saxlamaq üçün elektron ünvan: [email protected]
