Azərbaycan, Bakı, 27 oktyabr/ Trend , müxbir N.İsmayılova/ Azərbaycanın Marketinq Cəmiyyəti (AMC) Azərbaycan İxrac və İnvestisiyaların Təşviqi Fondu (AZPROMO) ilə birlikdə Azərbaycanın birinci ixrac kataloqunu buraxıb.
AZRPROMO - nun İxracın Təşviqi Departametninin direktoru Emil Əliyev kataloqun bazar ertəsi keçirilən təqdimatında bildirib ki, ixrac kataloqu biznes-qurumlar və qeyri - neft sektoru müəssisələrinə yönəlib.
Kataloqa ixrac potensialı olan 200 -dək orta və iri şirkətlər daxil olub. İxrac kataloqunun əsas məqsədi yerli rəqabəqabiliyyətli malların irəli çəkilməsi, xaricdə yeni bazar və işgüzar tərəfdaşların tapılmasından ibarətdir ki, bütün bunlar yerli şirkətləri ölkənin gələcək inkişafının təmin edilməsi məqsədilə dünya bazarlarında rəqabət apara biləcək məhsul istehsalına stimullaşdırmağa kömək edir. Bu kataloq müəssisələrin xarici bazar və tərəfdaş tapması ilə bağlı problemlərini həll etməyə imkan verəcək.
"Gələcəkdə kataloqun müxtəlif istehsal növləri üzrə ayrılması imkanı nəzərdən keçirilir", - Əliyev bildirib.
Növbəti kataloq 2009 - cu ilin ortalarına hazırlanacaq və o daha çox sayda sektoru əhatə edə bilər.
Kataloq Azərbaycanın xaricdəkki bir sıra rəsmi nümayəndəlikləri, ticarət, ixrac və idxal təşkilatları vasitəsilə yayılaaq. Layihə ABŞ - ın Beynəlxalq İnkişaf Agentliyinin (USAİD) qrant vəsaitləri hesabına AZPROMO və Avrasiya Fondunun dəstəyi ilə realizə edilir. Layihənin sponsorları qismində Azərbaycan Beynəlxalq Bankı və Azersun Holding çıxış edir. Layihə çərçivəsində çap versiyasında 3 000, CD formatında 2 000 kataloq hazırlanıb.
Müəlliflə əlaqə saxlamaq üçün elektron ünvan: [email protected]
