Azərbaycan, Bakı, 29 oktyabr/ Trend müxbir Ü.İsmayılova/ "Azərbaycanda turizm sahəsində kadr çatışmazlığı müvəqqəti haldır və bu problem yaxın bir neçə ildə həll ediləcək", - Mədəniyyət və Turizm Nazirliyinin Turizm Sektorunun rəhbəri Aydın İsmiyev Əmək Nazirliyi nəzdində Baş Məşğulluq İdarəsi ilə Mədəniyyət və Turizm Nazirliyinin Turizm Sektorunun birgə təşkil etdiyi "Turizm sahəsində kadrların hazırlanması və onların işlə təminatı" dəyirmi masasında bildirib.
İsmiyev bildirib ki, turizm sahəsində kadr çatışmazlığı ilə bağlı problemin mövcudluğunu inkar etmək olmaz. Lakin nəzərə almaq lazımdır ki, Azərbaycanda turizm 2001-ci ildən fəal inkişaf edir.
Onun sözlərinə görə, üç il əvvəl Turizm İnstitutunun açılmasını problemin həlli yolunda əsas addım hesab etmək olar.
İsmiyev bildirib vurğulayıb ki, Ali təhsil müəssisəsinin məzunlarının bir neçə buraxılışından sonra bu sahədə kadr çatışmazlığı ilə bağlı problem qismən həll ediləcək.
Dövlət Statistika Komitəsinin məlumatlarına əsasən yanvar-iyunda Azərbaycanda turizm şirkətlərinin sayı 5-dən 107-dək, turizm firmaları əməkdaşlarının sayı isə 331 nəfərdən 1,3 min nəfərədək artıb.
Birinci yarım il ərzində turizm şirkətləri 28,6 min turistə xidmət göstərib. Turistlərin 94,4 faizinə Bakıda xidmət göstərilib.
Müəlliflə əlaqə saxlamaq üçün elektron ünvan: [email protected]
