Azərbaycan, Bakı, 31 oktyabr/ Trend , müxbir N.İsmayılova/ Azərbaycan Milli Məclisinin təqdim etdiyi 2009-cu ilin dövlət büdcəsi layihəsində xarici borclanma limiti cari ildəki 2,4 mlrd. manata qarşı 2,5 mlrd. manat səviyyəsində müəyyən edilib.
Daxili dövlət borclanmalarının yuxarı həddi 2008 - ci ildəki 500 mln. manata qarşı 200 mln. manat məbləğində nəzərdə tutulub.
2009 - cu ilin dövlət büdcəsi layihəsinə əsasən, daxili borclar üzrə ödənişlər 28 mln. manat təşkil edəcək. Xarici borclanmalar üzrə kredit faizlərinin və əsas borcun ödənilməsi üçün, müvafiq olaraq,108,5 və 90,4 mln. manat ayrılıb.
2005-ci ilədək xarici borlcanma limiti 200 mln. dollar məbləğində müəyyən edilmişdi. 2006-cı ildə irimiqyaslı layihələrin realizəsi üçün borcların cəlb edilməsinə zərurətin yaranması ilə əlaqədar, bu limin əvvəlcə iki dəfə, büdcə proqnozlarına yenidən baxıldıqdan sonra üç dəfə - 1,2 mlrd. dollaradək artırılıb.
Oktyabrın 31-nə olan cari mübadilə məzənnəsi --- 0,8095 AZN/USD.
Müəlliflə əlaqə saxlamaq üçün elektron ünvan: [email protected]
