Azərbaycan, Bakı, 31 oktyabr/ Trend , müxbir N.İsmayılova/Azərbaycan hökuməti 2009 - cu ildə Dövlət Neft Fondundan (ARDNF) dövlət büdcəsinə transfertləri 29,34 faiz artırmağı planlaşdırır.
2009-cu ilin əsas maliyyə sənədinin Azərbaycan parlamentinə təqdim edilmiş layihəsində ARDNF- dan büdcəyə transfertlər 2009 - cu ildə 4,915 mlrd. manat təşkil edir. 2008 - ci ildə bu rəqəm 3,8 mlrd. manat müəyyən edilmişdi.
"Dünya maliyyə bazarlarındakı böhran Azərbaycanın Dövlət Neft Fondunun gəlirlərinə təsir etməyəcək, əksinə, gəlirlərin proqnoz göstəricisini ötəcəyi gözlənilir", - Fondun icraçı direktoru Şahmar Mövsümov əvvəllər bildirib.
Onun rəyinə görə, neftin qiymətinin düşməsi Fondun büdcəsinin tərtib edilməsi zamanı mühafizəkar yanaşmanın düzgünlüyünü göstərib. 2007-ci ildə büdcə proqnozlarının hesablanması zamanı neftin qiyməti bir barelə görə 50 dollar təşkil edirdisə, cari ildə bu göstərici bir barelə görə 70 dollar müəyyən edilib.
Oktyabrın 31-nə olan cari mübadilə məzənnəsi -- 0,8095 AZN/USD.
Müəlliflə əlaqə saxlamaq üçün elektron ünvan: [email protected]
