Azərbaycan, Bakı, 05 noyabr/ Trend , müxbir N.İsmayılova/ İlkin hesablamalara görə, ölkədə vergi güzəştlərinin maddi həcmi Azərbaycan iqtisadiyyatındakı ödənişlərin ümumi məbləğinin 60 - 67 faizinə çatır, - Maliyyə Nazirliyindən çərşənbə günü bildiriblər.
"Bu, kifayət qədər böyük məbləğ olsa da, vergi güzəştləri iqtisadi fəallığın stimullaşdırılması üçün səmərəli vasitə hesab edilir, - idarədən bildiriblər. Nəzərdə tutulan sahələrdə inkişaf təmin edildikdən sonra bu güzəştlər tədricən aradan qaldırılacaq. Belə güzəştlərin tətbiqi vergi ödəyiciləri və dövlətin maraqların maksimal tarazlığına nail olunması məqsədi daşıyır".
Dünya təcrübəsi göstərir ki, vergi ödəyicisindən tutulan vergilər onun məcmu gəlirlərinin 40-50 faizindən çox olduqda iqtisadi fəallığın səviyyəsi aşağı düşür, ölkəyə yatırılan sərmayələrin həcmi azalır. Bununla əlaqədar olaraq, Azərbaycanda vergi siyasəti vergi yükünün optimal səviyyəsinə nail olmağa yönəldilir.
"Bu gün Azərbaycanın vergi ödəyiciləri üçün vergi yükünün səviyyəsi kifayət qədər aşağı səviyyədə müəyyən edilib", - nazirlikdən bildiriblər.
Müəlliflə əlaqə saxlamaq üçün elektron ünvan: [email protected]
