Azərbaycan, Bakı, 07 noyabr/ Trend , müxbir N.İsmaylova/ 2008 - ci il oktyabrın 1-nə Azərbaycanda ehtiyat pulların həcmi 4453,4 mln. manat təşkil edib. Bu göstərici sentyabrın 1-nə 3,2 faiz artaraq, 4315,2 mln. manata bərabər olub. Bu barədə cümə günü Azərbaycan Milli Bankından bildiriblər.
Cari ilin əvvəlindən bu göstərici 29,4 faiz artıb, 2008-ci il yanvarın 1-nə bu rəqəm 3440,8 mln. manata bərabər olub. 2007-ci il oktyabrın 1-i ilə müqayisədə, ehtiyat pul həcminin artımı 69,14 faiz təşkil edib.
2008 -ci il oktyabrın 1-nə manatda pul ehtiyatları 4172,6 mln. manat təşkil edib. Bu göstərici yanvarın 1-nə 3220,8 mln. manata və 2007-ci ilin oktyabrın 1-nə isə 2480,6 manata bərabər olub.
Oktyabrın 1-nə dövriyyədə olan nəğd pullar (3857,1 mln. manat) pul bazasının (4452,1 mln. manat) 86,61 faizini təşkil edib. Bu göstərici sentyabrın 1- nə pul bazasının 87,14 faizni, 2008 -ci ilin əvvəlinə 84,61 faizini və 2007- ci il oktyabrın 1- nə 83,17 faizini təşkil edib.
Mövsümi amillər nəzərə alınmadan, manatda pul bazası ilin əvvəlindən 30,75 faiz və illik hesablamalarda 68,1 faiz artaraq, oktyabrın 1-nə 3920,6 mln. manat təşkil edib ki, bu göstərici 2008 - ci ilin əvvəli üçün 2998,5 mln. manat və 2007-ci il oktyabrın 1-nə 2332,5 mln. manat təşkil edib. Oktyabrın 1-nə bank ehtiyatlarının səviyyəsi, 362,2 mln. manatlıq azad və 232,8 mln. manatlıq icbari ehtiyatlar da daxil olmaqla, 595 mln. manat təşkil edib.
Noyabrın 7 - nə olan rəsmi məzənnə 0,8086 AZN/USD təşkil edir.
Məqalə müəllifi ilə əlaqə ünvanı: [email protected]
