Azərbaycan, Bakı, 18 avqust / Trend , müxbir Ü.İsmayılova/ Azərbaycanda təqaüdün orta aylıq məbləği yanvar-sentyabrda 2007-ci ilin analoji dövrü ilə müqayisədə 52 faiz artaraq, 95,15 manat olub, - çərşənbə axşamı Dövlət Statistika Komitəsindən bildiriblər.
Azərbaycanda təqaüdçülərin sayı 1,26 mln. nəfər olub. Ölkədə hər min nəfərə 313 təqaüdçü düşür.
Dövlət Statistika Komitəsinin məlumatına görə, təqaüdçülərin 66 faizi - yaşına görə, 23 faizi - əlilliyə, 11 faizi - ailə başçısının ölümünə görə müavinət alır.
Azərbaycan Sosial Müdafiə Fondunun məlumatına görə, ilin əvvəlindən əhaliyə 980 mln. manat müavinət verilib ki, bu, ötən ilin analoji dövrü ilə müqayisədə 35,5 faiz çoxdur. Bu vəsaitin 924,3 mln. manatı təqaüdlərin ödənməsinə, 24,5 faizi digər sosial yardımlara ayrılıb.
Yanvar-sentyabrda Azərbaycanda 625,9 min nəfər ünvanlı sosial yardım (ÜSY) alıb. Adambaşına ÜSY 21,37 manat təşkil edib.
Müəlliflə əlaqə ünvanı: [email protected]
