Gürcüstan, Tbilisi, 19 noyabr/ Trend , müxbir N.Kirsxaliya/ 2008 - ci ilin sentyabr -oktyabrında xricdən pul köçürmələrinin artım tempi qismən bərpa olunub. Bu barədə çərşənbə günü Gürcüstan Milli Bankından bildiriblər.
Oktyabrda ölkəyə daxil olan pul köçürmələrinin həcmi 92,1 mln. dollar təşkil edib ki, bu da ötən ilin analoji dövr göstəricisindən 10,9 faiz artıqdır.
Rusiyadan pul köçürmələrinin həcmi də müharibəyəqədərki dinamikaya qayıdır. Bu göstərici oktyabrda 56,8 mln. dollar təşkil edib. Bununla belə, xarici köçürmələrin 92,2 faizi doqquz iri donorun payına düşür, onlar tərəfindən aparılan köçürmələr bir mln. dollardan artıq olub.
Ötən ay pul köçürmələrinin ümumi həcmində Rusiyanın payı 61,7 faiz, Ukraynanın - 8,1 faiz, ABŞ -ın 6,6 faiz, Yunanıstanın - 4,7 faiz, İtaliyanın - 3 faiz, Türkiyənin - 2,2 faiz, İspaniyanın - 1,8 faiz, Kiprin -1,3 faiz, Qazaxıstanın payı 1,2 faiz təşkil edib.
Oktyabrda Gürcüstandan xaricə 6,6 mln. dollar köçürülüb ki, bu da ötən ilin analoji dövr göstəricisindən 13,2 faiz azdır.
Gürcüstandan Rusiyaya pul köçürmələri əhəmiyyətli dərəcədə düşüb - 0,9 mln. dollar. Lakin Ukraynaya pul köçürmələri həcmi 132 min dollar artıb.
Məqalə müəllifi ilə əlaqə ünvanı - [email protected]
