Azərbaycan, Bakı, 20 noyabr/ Trend , müxbir N.İsmayılova/ "AtaBank bank məhsulları haqqında məlumatın əldə edilməsi mexanizminin sadələşdirilməsi üçün informasiya mərkəzi açmağı planlaşdırır", - Bankın İdarə Heyətinin sədr müavini Müseyib Əliyev cümə axşamı bankın 15 illiyinə həsr edilmiş mətbuat konfransında bildirib.
"Bu mərkəzin açılmasının əlverişliliyi ondan ibarətdir ki, bankın müştəriləri burada yalnız bank və onun məhsulları haqqında deyil, həm də öz hesablarının vəziyyəti barədə məlumat ala biləcəklər", - Əliyev bildirib.
Mərkəzi cari ilin sonunadək açmaq planlaşdırılır.
2008 - ci ilin sonuna AtaBank-ın xalis aktivləri 130,9 mln. manat təşkil edib. Bankın kredit portfeli 91,5 mln. manatı ötmür. Depozit portfeli 76,5 mln. manat, bankın xalis mənfəəti 5,8 mln. manat təşkil edib. Bankın Nizamnamə kapitalı 15 mln. manatdır, məcmu kapitalı 20 mln. manatı ötür.
Noyabrın 20 - nə olan cari mübadilə məzənnəsi -- 0,8104 AZN/USD.
Müəlliflə əlaqə saxlamaq üçün elektron ünvan: [email protected]
