Azərbaycan, Bakı, 24 noyabr / Trend / Dənizdə beynəlxalq terrorçuluq və dəniz quldurluğu ilə mübarizənin güclənməsi məsələsi Beynəlxalq Dəniz Təşkilatının dənizdə təhlükəsizlik üzrə komitəsinin noyabrın 25 - dən - dekabrın 5 - dək Londonda keçiriləcək 85 - ci sessiyasında müzakirə olunacaq, - Azərbaycanın Dövlət Dəniz Administrasiyasının yaydığı məlumatda deyilir.
Sessiyada dəniz yolları və gəmilərin mühafizəsi, dənizdə təhlükəsizliyin güclənməsi, ətraf mühitin mühafizəsi, gəmiçiliyin təhlükəsizliyi, gəmilərin yaşam qabiliyyəti məsələləri də müzakirə ediləcək.
Tədbirdə Azərbaycanı Dövlət Dəniz Administrasiyasının rəhbəri Qüdrət Qurbanovun başçılıq etdiyi nümayəndə heyəti təmsil edəcək.
Müəlliflə əlaqə ünvanı: [email protected]
