Azərbaycan, Bakı, 24 noyabr / Trend müxbir S.Babayeva/ Azərbaycan Kənd Təsərrüfatı Nazirliyi bir sıra ölkələrlə aqrar, baytarlıq və bitkilərin karantini və fitosanitariya sahədə əməkdaşlıqla bağlı razılaşmaların layihəsini hazırlayıb, - bazar ertəsi nazirlikdən bildiriblər.
"Biz 10 saziş layihəsi hazırlamışıq və onları razılaşdırmaq üçün müvafiq qurumlara təqdim etmişik", - nazirlikdən deyiblər.
Litva, Qazaxıstan, Gürcüstan, Rusiya, Tunis, Seneqal, Mali, Bolqarıstan, Polşa, İsveçrə, Niderland, Suriya və Livanla razılaşmaların imzalanacağı gözlənilir.
"Sənədlərin əksəriyyəti bu ölkələrin dövlət başçılarının səfərləri çərçivəsində və ya kənd təsərrüfatı nazirlərinin görüşündə imzalana bilər", - nazirlikdən qeyd ediblər.
Sənədlər təcrübə mübadiləsi, müştərək layihələlərin realizəsi, müştərək konfransların, seminar və treninqlərin keçirilməsini nəzərdə tutur.
Müəlliflə əlaqə ünvanı: [email protected]
