İran, Tehran, 24 noyabr/ Trend , müxbir A.Namdari/ "İranda ölkə parlamentinin müzakirəsinə çıxarılmış layihə çərçivəsində təklif edilmiş iqtisadi dəyişikliklərin aparılması mal və xidmətlərin qiymətinin artmasına gətirəcək", - İran İslam Respublikasının büdcə məsələləri üzrə parlament komissiyasının üzvü Məhəmmədəli Nura bazar ertəsi bildirib.
"Bu layihənin icrası qiymətlərin artmasına və İran əhalisinin alıcılıq qabiliyyətinin azalmasına gətirə bilər", - Nura deyib.
İran prezidenti Mahmud Əhmədinejad adminisitrasiyasının iqtisadi siyasətin yaxşılaşdırılması proqramı çərçivəsində təklif etdiyi iqtisadi islahatlar layihəsi əhaliyə mal və xidmətlərə görə güzəştlərin təqdim edilməsini nəzərdə tutur.
Bu ölkənin əksər iqtisadi ekspertləri layihənin icrasının gözlənilməz nəticələrə gətirə biləcəyini hesab edərək, onun yekunları ilə bağlı narahatdırlar.
"Dövlət layihənin realizəsinin əhalinin alıcılıq qabiliyyətinə təsir etməyəcəyinə zəmanət versə, parlament düşünmədən bu sənədin lehinə səs verəcək", - Nura bildirib.
Onun sözlərinə görə, deputatların narazılığı həm də onunla bağlıdır ki, layihənin icrası İran vətəndaşlarının alıcılıq qabiliyyətinin azalması ilə yanaşı, cəmiyyətdə yoxsulluq səviyyəsinin artmasına da gətirəcək.
Nura bu problemin reaizəsində daha bir problemi onda görür ki, güzəştlər birbaşa təqdim edilərsə, "İranda istehlak stimulu" inflyasiyaya gətirəcək.
Parlamentin gündəliyinə layihənin realizəsinin yekunları üzrə gözlənilən istehlak tendensiyalarının nəticələrinin azaldılmasına dair təkliflər çıxarılıb. Təkliflərdən biri əhaliyə ünvanlı sosial yardımın verilməsini nəzərdə tutur ki, Nuranın rəyinə görə, bu da ölkədə inflyasiya səviyyəsinin azaldılması üçün faydalı ola bilər.
Bundan əlavə, əhaliyə nəqd pulların əvəzinə əsas mallara kuponların verilməsi təklif olunur. Dövlət kuponlardan istifadə əvəzinə, əhaliyə nəqd pul qaytaracaq.
Nuranın sözlərinə görə, bu layihə ölkədə nəqd olmayan hesablaşmaların səviyyəsini artıracaq.
Hazırda iqtisadi islahatların ilkin planı parlament komissiyası tərəfindən nəzərdən keçirilir. Bu layihədə dövlət əhaliyə 40-70 min rialın ödənilməsini təklif edir.
Layihənin cari lin sonuncu rübündə (İran təqvimi üzrə) realizə ediləcəyi gözlənilir.
Sənəd gələn ay parlamentin müzakirəsinə çıxarılacaq.
Müəlliflə əlaqə saxlamaq üçün elektron ünvan: [email protected]
