Azərbaycan, Bakı, 26 noyabr/ Trend ,müxbirlər İ.Xəlilova, A.Bədəlova/ İsveçrənin İqtisadi Məsələlər üzrə Dövlət Katibliyinin (Seco) texniki yardımı çərçivəsində, Azərbaycanda cari iqtisadi risklərin və potensial siyasi tədbirlərin şərhi ilə ilk sənəd hazırlanıb. Sənəd prezident administrasiyasına təqdim edilib, - Seco-nun Milli Proqramının rəhbəri Nailə Səfərova çərşənbə günü bildirib.
Qiymətləndirmə Azərbaycanda maliyyə proqramlaşdırması modelinin işlənilməsi üzrə texniki yardımın birinci fazası çərçivəsində aparılıb. Layihə çərçivəsində Azərbaycan İqtisadi İnkişaf Nazirliyi (İİN) nəzdində, nazir müavini Sevinc Həsənovanın rəhbərlik etdiyi makroiqtisadi qrup yaradılıb. Qrupun tərkibinə iqtisadi inkişaf, maliyyə nazirlikləri və Dövlət Neft Fondunun nümayəndələri daxildir.
"Azərbaycanda qiymətləndirmələr çox müsbət olub və ölkədə yerli hakimiyyətlər öz makroiqtisadi idarəetmələrinin təkmilləşdirilməsi üçün hərtərəfli modelləşdirmə alətinin işlənilməsində güclü maraq göstəriblər", - Səfərova bildirib.
Onun sözlərinə görə, bu proqramın nəticələri çox şey vəd edir.
"Azərbaycan hakimiyyəti maliyyə proqramlaşdırmasına möhkəm sadiqlik və ruh yüksəkliyi göstərir, - Seco proqramlarının rəhbəri bildirib. - Proqram sayəsində onlar əsas makroiqtisadi tendensiyaları getdikcə daha çox təhlil və şəxsi müstəqil siyasi tövsiyələrini təqdim etməyə qadirdilər".
Xüsusi olaraq maliyyə proqramlaşdırmasında cəmləşmiş proqramın realizəsi 2007-ci ilin sonunda başlayıb və 2008-ci ilin dekabrında başa çatır. Layihə üçün Seco-nun texniki yardımı 230 min İsveçrə frankı təşkil edir. Layihənin məsləhətçisi Benedikt Braumandır. Məsləhətçi ölkə üçün fərdi yanaşmadan istifadə edərək, yerli hakimiyyətlərə idarələrarası koordinasiyada, məlumat mübadiləsi və onların işlənilməsində, modelləşdirmə və siyasətə dair tövsiyələrin alınmasında geniş dəstək göstərib. Model quraşdırldıqdan sonra, kömək, əsasən, fərdi təlimatlandırma və daimi dəstəkdə cəmləşdiriləcək.
Proqram Azərbaycanda cəmləşdirilib. BVF-nin standar kurslarından fərqli olaraq, Seco hər bir ölkə üçün, xüsusilə də modelləşdirmənin qurulmasında ayrı yanaşmadan istifadə edir. Səfərovanın sözlərinə görə, layihə kifayət dərəcədə ümidverici nəticələrə gətirib. Maliyyə proqramlaşdırmasının əməliyyat modelləri yaradılıb. Nəticədə, alıcı əsas makroiqtisadi tendensiyaları təhlil edə və siyasətə dair tövsiyələr təqdim edə bilər.
İşçi qrupu siyasi təhlil və tövsiyələr təqdim edərək, birbaşa rəhbəri qarşısında hesabat verir, ölkədəki makroiqtisadi vəziyyət haqqında yekun sənəd isə, tədbirlərlə birlikdə dövlət başçısına təqdim olunur.
Maliyyə proqramlaşdırmasının hesablama modeli işçi qrupunda müzakirələr çərçivəsində getdikcə daha tez-tez diqqətə alınır.
Müəlliflə əlaqə saxlamaq üçün elektron ünvan - [email protected]
