Azərbaycan, Bakı, 28 noyabr/ Trend , müxbirlər E.İsmayılov, N.İsmayılova/ "Yanvar-oktyabrda tikinti sektorunda bağlanmış əmək müqavilələrinin sayı, 2007-ci ilin analoji dövründəki 6,2 mindən çox müqviləyə qarşı 20 mini ötüb", - Azərbaycanın Əmək və Sosial Müdafiə Nazirliyi nəzdində Əmək Müfəttişliyinin rəhbəri Nəbi Şükürlü cümə günü bildirib.
"Tikinti sektorunda işçilərlə əmək müqavilələrinin bağlanılması hallarının çoxalması müsbət faktdır. Lakin bu, kifayət deyil", - Şükürlü vurğulayıb.
Onun sözlərinə görə, ilin əvvəlindən tikinti sahəsində baş vermiş 59 ölüm halının yalnız 50-də kompensasiya ödəniləcək. Doqquz halda əmək müqaviləsi bağlanılmadığı üçün, bu mümkün deyil, - Şükürlü bildirib.
"Bu gün texniki təhlükəsizlik qaydalarına riayət edilməsi kifayət deyil. Lakin ötən illə müqayisədə bizdə müəyyən naliyyətlər var", - Şükürlü bildirib.
Azərbaycanın tikinti sektorunda yoxlamalar 2007-ci ilin avqustunda tikilməkdə olan 16 mərtəbəli binanın uçmasından sonra fəallaşmağa başlayıb. Bu hadiə nəticəsində 25 nəfər həlak olub. Hadisə yerini öyrənmiş ekspertlərin rəyinə görə, binanın uçmasının səbəblərindən biri də texniki təhlükəsizlik qaydalarının pozulması olub.
Azərbaycanın Əmək və Əhalinin Sosial Müdafiəsi Nazirliyi nəzdində Əmək Müfəttişliyi istehsalatda əmək şəraitini müntəzəm olaraq yoxlayan orqandır.
Müəlliflə əlaqə saxlamaq üçün elektron ünvan: [email protected]
