Azərbaycan, Bakı, 28 noyabr/ Trend , müxbir İ.Xəlilova/ Azərbaycanın UniBank-nın kapitalında səhm nəzarət paketinin Macarıstanın ən iri banklarından OTP Bank-a satılması üzrə danışqlar başa çatmaq mərhələsindədir, - UniBank-ın Müşahidə Şurasının sədri Eldar Qəribov cümə günü bildirib.
"Minoritar səhmdarların bir hissəsi OTP Bank-la Azərbaycan bankının nəzarət paketinin mümkün alqısına dair danışıqlar aparır, - Qəribov bildirib. - Danışıqlar yarım ildir ki aparılır və başa çatmağa yaxındır".
O, dünya bank sistemindəki vəziyyətin, sazişin bağlanılması ilə əlaqədar yekun qərarın qəbuluna təsir göstərəcəyi ehtimalını istisna etməyib.
"Lakin Macarıstan bankının Direktorlar Şurasının təsdqinə çıxarılmaq üçün hazırlıq mərhələsi davam edir və yaxın aylarda qərarın qəbul ediləcəyi gözlənilir", - Qəribov bildirib.
UniBank xarici banklarla danışıqları AYİB və Alman İnvestisiya Korporasiyası DEG-in bankın səhmdarlığından çıxmasının mümkünlüyü ilə əlaqədar aparır. Bu iki maliyyə institutu müvafiq olaraq 15,2 faiz və 8,3 faiz səhmə malikdir. AYİB və DEG -lə bağlanmış müqavilələrə əsasən, 2008 - ci ildən başlayaraq, onlarda bu hüquq yaranır. Potensial olaraq, bu institutların səhm paketləri strateji sərmayədarlara satıla və ya mövcud səhmdarlar tərəfindən alına bilər.
"Son il yardımda Azərbaycanın bank bazarına dünyaca məşhur maliyyə institutları və xarici banklar, o cümlədən Fransa, Amerika bankları tərəfindən böyük maraq göstərilir", - UniBank-ın İdarə Heyətinin sədri Faiq Hüseynov bildirib.
O, belə bankların sırasında Rusiyanın Vneştorqbankının da adını çəkib. Lakin o mərhələdə, UniBank-ın səhmdarları öz paylarını satmağa hazır olmayıblar. (Artıq Azərbaycan Milli Bankı tərəfindən Vneştorqbank-a AF Bank-ın səhm nəzarət paketinin alınmasına dair icazə verilib).
Hazırki mərhələdə OTP Bank Unibank-ın səhmlərinin alınmasına görə daha cəlbedici şərtlər təklif etdiyi üçün bankın seçimi onun üzərində dayanıb.
Danışıqların gedişindən asılı olmayaraq, dekabrın 11- də UniBank - ın səhmdarlarının ümumi toplantısında bankın Nizamnamə kapitalının 2 dəfə - 30 mln. manatadək artırılması barədə qərar qəbul ediləcək. Bank, 67 mln. manat səviyyəsində formalaşdırılmış məcmu kapitalına görə, bu gün Azərbaycan Beynəlxalq Bankı, Pasha Bank və Standard Bank-dan sonra dördüncü yerdədir.
"Macar bankı ilə saziş baş tutmazsa, danışıqlar davam edəcək. Bundan əlavə,bu gün AYİB və DEG- in səhmlərin satışına dair vəzifəsi yoxdur və onlar istədikləri qədər UniBank - da iştirak edə bilərlər. Lakin bir sərmayə bankı kimi onların öz siyasətləri var. Bu institutlar yaxşı pul təklif edildikdə, öz paylarını satacaqlar", - bankın rəhbəri bildirib.
Onun sözlərinə görə, AYİB və DEG bankda iştirak paylarını ümumilikdə 49 faizədək artırmağa hazırdırlar və onların öz paketlərini minoritar paketin maksimal səviyyəsinədək artırmaq problemləri yoxdur.
Noyabrın 28 - nə olan cari mübadilə məzənnəsi -- 0,8079 AZN/USD.
Müəlliflə əlaqə saxlamaq üçün elektron ünvan: [email protected]