Azərbaycan, Bakı, 28 noyabr/ Trend müxbir İ.Xəlilova/ Dünya maliyyə bazarlarında olduğu kimi Azərbaycanın bank bazarında kredit ehtiyatlarına məhdud çıxışla əlaqədar, UniLeasing müxtəlif ölkələrin Eksimbanklarıyla sonrakı maliyyələşdirmə ilə avadanlıq ixracı mövzusunda birbaşa müqavilələrin bağlanılmasına başlayıb, - şirkətin Müşahidə Şurasının sədri Faiq Hüseynov cümə günü bildirib.
"Eksimbanklarla iş başqa xarakter daşıyır və böhran şəraitində hər bir ölkə öz ixracının artmasında maraqlıdır", - Hüseynov bildirib.
Onun sözlərinə görə, hazırda UniLeasing Hollandiya, Almaniyanın fondları, ABŞ-ın Eksimbankı ilə fəal işləyir.
Amerikanın Eksimbankı ilə 2,5 mln. dollarlıq kredit xəttinin açılması barədə saziş imzalanıb. Razılaşma birbaşa pulların təqdim edilməsini deyil, avadanlıq, texnika, maşın, avtomobil tədarüklərinin maliyyələşdirilməsini nəzərdə tutur. Ümumilikdə isə ABŞ Eksimbankının maliyyələşdirməsindən istifadə limiti 20 mln. manatadəkdir və bununla əlaqədar olaraq, UniLeasing hazırda əlavə vəsaitlərin alınması imkanını müzakirə edir.
"Biz, Eksimbankın kreditləşdirməsi vasitəsilə Amerikanın nəqliyyat vasitələrinin idxalını nəzərdə tutan layihə reallaşdırmaq istəyirik", - Hüseynov bildirib.
UniLeasing-in Müşahidə Şurası noyabrın 27-də keçirilmiş iclasında onun fəaliyyətinin qənaətbəxş olduğunu qəbul edib. Buna baxmayaraq, Şuranın sədri biznesin və şirkətin satışlarının həcmində düzəlişlər imkanını istisna etməyib. Hazırda onun gəliri 800 min manatdan çox təşkil edir. UniLeasing, həcmi 39 mln. manatı ötən lizinq portfelinə görə, bu gün ölkədə ikinci yeri tutur.
Şirkət Saatlıda filial açıb, Gəncədəki nümayəndəlik isə təkrar qeydiyyatdan keçirilərək filiala çevrilib. Şirkətin regionlardakı lizinq portfeli 5 mln. manatdan çoxdur.
UniLeasing Azərbaycanda liderlik edən özəl bank UniBank tərəfindən tərəfindən artan korporativ müştərilərlə və geniş şəbəkə ilə (ilk nümayəndəliklər Lənkəran, Quba və Şəkidə açılıb) 2004-cü ildə yaradılıb. Lizinq şirkəti əməliyyatların başlamasından sonra iki ildən az bir müddətdə böyük liziqn portfeli yaratdı və Azərbaycanın lizinq bazarında 20 faiz pay aldı. O, Azərbaycanda AYİB-in 33 faiz iştirka payı aldığı ilk lizinq şirkəti oldu.
Noyabrın 28-nə olan cari mübadilə məzənnəsi - 0,8079 AZN/USD.
Müəlliflə əlaqə saxlamaq üçün elektron ünvan: [email protected]
