Azərbaycan, Şəki, 30 noyabr / Trend müxbir X.Əkbərova/ Bu gün Şəki rayonuna təbii qazın verilməsi dayandırılıb. Yerli qaz istismar idarəsindən verilən xəbərə görə, buna səbəb rayon mərkəzindən 1 km aralıda yerləşən Öyrət kəndində baş verən qəza olub. Həmin kəndin ərazisindən Cəfərəbad-Şəki qaz magistral boru kəməri keçir.
Hazırda qəzanın baş verdiyi ərazidə bərpa işləri aparılır.
Günün sonuna kimi Şəkiyə qazın verilməsinin bərpa ediləcəyi gözlənilir.
Şəki Bakıdan 352 km şimal-qərb istiqamətində yerləşir.