Qazaxıstan, Astana, 03 dekabr/ Trend , müxbir K.Konırova/ Astanada İqtisadiyyat və Büdcə Planlaşdırmaları Nazirliyində Qazaxıstan ilə Türkiyə arasında mal dövriyyəsinin hazırkı 2 mlrd. dollardan 5 mlrd. dollaradək artırılması imkanları müzakirə olunub. Bu barədə Trend -ın Astanadakı xüsusi müxbiri məlumat verib.
Məsələ iqtisadiyyat və büdcə planlaşdırmaları naziri Baxıt Sultanov ilə Türkiyənin Qazaxıstandakı fövqəladə və səlahiyyətli səfiri Atilla Günay arasında baş tutan görüş zamanı müzakirə olunub.
Görüşdə həmsöhbətlər iki ölkənin hazırkı iqtisadi siyasəti, qlobal maliyyə böhranı şəraitində iqtisadiyyatın stabilləşdirilməsi və inkişafı üzrə həyata keçirilən proqramlar barədə fikir mübadiləsi aparıblar.
"Qazaxıstan bütün Avrasiya məkanında stabillik və inkişaf nümunəsidir", - deyə Günay bildirib.
Sultanov ölkənin sənaye-innovasiya üzrə inkişafının əsas istiqamətləri barədə səfirə məlumat verib, həmçinin iki ölkənin ticari-iqtisadi əlaqələrinin gələcək inkişafı üzrə mümkün vektorları qeyd edib.
Tərəflər bank sektoru, kənd təsərrüfatı, nəqliyyat və məntiq, turizm, həmçinin təhsil və səhiyyə sahələrində ikitərəfli əməkdaşlığın inkişaf etdirilmə mümkünlüyünü qeyd ediblər.
Səfirin fikrincə, ikitərəfli münasibətlərin diversifikasiyası Almatıda regional maliyyə mərkəzinin yaradılmasına da imkan yaradacaq.
Məqalə müəllifi ilə əlaqə ünvanı - trend