Qazaxıstan, Astana, 03 dekabr / Trend , müxbir K.Konırova/ Birləşmiş Ərəb Əmirliklərinin aviadaşıyıcısı ETIHAD AIRWAYS ("Etihad Eyrveyz") aviaşirkəti Almatı - Abu-Dabi reysilə birbaşa uçuşlara başlayır, şirkətin nümayəndəliyindən deyiblər.
"Almatı - bizim genişlənən dünya şəbəkəmizə çox gözəl əlavədir. Avrasiyanın mərkəzinə yeni marşrut ticarətin, turizmin inkişafına və iki ölkə arasında iqtisadiyyatın artımına yardım etməklə, Qazaxıstanla BƏƏ arasında mühüm hava körpüsünə yol açacaq", - məlumatda ETIHAD AIRWAYS-in baş direktoru Ceyms Hoqanın sözləri sitat gətirilir.
Yeni reyslə uçuşlar həftədə dörd dəfə gerçəkləşdirilir. Cədvəlin bu şəkildə təşkili uzaq məsafələrdə biznes mərkəzlərinə və dünyadakı bütün istirahət yerlərinə uçuşlar etməyə imkan verir, - yayılan xəbərdə deyilir.
ETIHAD AIRWAYS yeni reysinin Qazaxıstanda açılması şirkətin inkişaf və uçuş coğrafiyasını genişləndirmək, Abu-Dabi hava limanından Yaxın Şərqə, Afrikaya, Asiyaya, Avstraliyaya, Avropaya və Şimali Afrikaya birinci dərəcəli xidmət təşkil etmək kimi qlobal strategiyasının bir hissəsidir.
"Uçuşlar biznes-klassda 20 və ekonom-klassda 84 yerlə təchiz olunmuş A319 təyyarəsində gerçəkləşdirilir", - məlumatda deyilir.
Şirkətin məlumatına görə, Almatı, ETIHAD AIRWAYS aviaşirkətinin Asiya-Atlantika bölgəsinə uçuş şəbəkəsini inkişaf etdirmək cəhdlərində sayca doqquzuncu marşrutdur. Bu şəbəkə Brizban, Sidney, Manila, Cakarta, Kuala-Lumpur, Sinqapur, Banqkok və Pekin şəhərlərinə reysləri əhatə edir.
Abu-Dabi BƏƏ-nin ən böyük əmirliyi olmaqla yanaşı, həm də dövlətin paytaxtıdır. Şərqlə Qərb arasında ideal mövqedə yerləşən Abu-Dabi biznesin inkişafı və turzim üzrə mərkəzə çevrilir.
Müəlliflə əlaqə ünvanı: [email protected]
