Azərbaycan, Bakı, 03 dekabr/ Trend , müxbir Ü.İsmayılova/ "Azərbaycan və Türkiyənin İş Adamları Birliyi (ATİB) 2009-cu il aprelin sonunda Azərbaycan-Türkiyə-Amerika konqresini keçirəcək", - ATİB-in Baş direktoru Rəşad Rəsulov çərşənbə günü bildirib.
Noyabrda ATİB, Ştatlarda Azərbaycan və Türkiyə şirkətlərinin maraqlarını dəstəkləmək üçün "Azərbaycan, Türkiyə və ABŞ" fondunu yaradıb. Fond, ABŞ-dakı Azərbaycan və Türkiyə şirkətlərinə, həmçinin regionda çalışan Amerika şirkətlərinə konsaltinq və hüquqi xidmətlər göstərir.
Gələn ilin ikinci yarısında İstanbulda Azərbaycan-Türkiyə-Rusiya konqresi keçiriləcək.
Azərbaycan və Türkiyənin İş Adamları Birliyi (ATİB) 2004-cü ildən fəaliyyət göstərir.
Müəlliflə əlaqə saxlamaq üçün elektron ünvan: [email protected]