Ukrayna, Kiyev, 05 dekabr / Trend , Z.Novosvitski/ Ukraynanın Maliyyə Nazirliyi valyuta kreditlərini qrivna ilə ödəmək şərtilə, borcluların hüquqlarının tanınmasını təklif edir. Nazirliyin cümə günü yayılan məlumatında deyilir ki, bu təklif Ukraynanın maliyyə naziri Viktor Pinzenikun Ukrayna Milli Bankına (UMB) rəsmi müraciətində əksini tapıb.
Pinzenik UMB - yə normativ aktlara valyuta kreditlərini (və ya onların bir hissəsinin) və onların faizlərini qrivna (borcun bağlandığı vaxta UMB - nin rəsmi məzənnəsində) ilə ödəmək şərtilə borcluların hüquqlarının tanınmasını nəzərdə tutan dəyişiklik təklif edir.
Nazirin təklifində borcların bağlanmasının tezləşdirilməsi və borcun bir hissəsinin təcili (həm qrivna, həm də valyuta ilə) ödənməsi şərti ilə kredit faizləninin azalması nəzərdə tutulur.
Pinzenik belə bir varinat da təklif edir: tərəflərin razılığına əsasən, borc alan valyuta kreditinin bir hissəsini vaxtından əvvəl və təcili ödəyirsə, kreditin qalan hissəsi borc alınanda olan (bundan az olmayaraq) məzənnə ilə qrivnaya çevrilir və ya yalnız kreditin əsas hissəsi (faizlər ödənmədən) bağlanır.
Belə əməliyyatlar zamanı bankın itkilərini minimuma endirmək üçün Maliyyə Nazirliyi onları əvvəlcə rezervlərin, sonra isə bankın kapitalının azalmasının hesabına keçirməyi təklif edir. İtkilərin ümumdaxili xərclərə aid edilməsi üçün vergi qanunvericiliyində dəyişilik vacibdir.
Bu tip əməliyyatlar aparan banklar üçün kapitalın normativ adekvatlılığını azaltmaq təklif olunur.
"Banklara bu addımları atmaq imkanı verilməsi bank sektorunun zəifliyini və Ukrayna banklarının yenidən kapitallaşdırılması üçün vəsaitlərə olan tələbləri xeyli azaldacaq, bu gün 100 faiz geri qaytarılmayacağı güman olunan kreditlərin əhəmiyyətli hissəsini standart rejimə keçirməyə imkan verəcək", - nazir hesab edir.
Ukrayna Milli Bankının təyin etdiyi məzənnəyə görə, 1 dolların dəyəri 2008 - ci il dekabrın 5-də 7,36 qrivnaya bərabər olub.
Müəlliflə əlaqə ünvanı: trend