...

Azərbaycanın  Milli Bankı ilin yekunları üzrə inflyasiyanın azalacağını gözləyir

Biznes və iqtisadiyyat xəbərləri Materials 10 Dekabr 2008 18:27 (UTC +04:00)

Azərbaycan, Bakı, 10 dekabr/ Trend , müxbir İ.Xəlilova/ "Azərbaycan Milli Bankı 2008-ci ilin yekunları üzrə inflyasiyanın 16-17 faizədək azalacağını gözləyir", - AMB-nin Kredit Təşkilatlarının Fəaliyyətinə Nəzarət Departamentinin direktoru Rəşad Orucov çərşənbə günü bildirib.

Onun sözlərinə görə, belə gözləmələr ərzaq və neftin dünya qiymətlərinin azalmasına əsaslanır.

"İnflyasiyaya səbəb olan daxili amillərin sabitləşməsi müşahidə olunur, xüsusilə də pul kütləsinin artım templəri azalıb", - Orucov qeyd edib. 10 ay ərzində pul kütləsi 2007-ci ilin analoji dövründəki 65 faizə qarşı 24 faiz artıb.

Cari ildə Milli Bank antiinflasiya tədbirləri görüb. Bu tədbirlərin arasında uçot dərəcəsinin 15 faizdən 8 faizədək azaldılması da var, - departament direktoru vurğulayıb. Məzənnə siyasətinin nizamlanması və ticarət tərəfdaşlarının məzənnələrinin inflyasiyaya təsirinin azaldılması üçün bivalyutalı rejim tətbiq edilib.

"Bundan başqa, son aylar ərzində inflyasiya idxalının azalması müşahidə olunmağa başlayıb və tərəfdaş ölkələrdə o, 11-12 faizə yaxındır", - Orucov deyib.

Xəbər lenti

Xəbər lenti