Azərbaycan, Bakı, 11 dekabr/ Trend , müxbir S.Babayeva/ "Azərbaycan hökuməti ölkədə ali təhsildə islahatların aparılmasına dair Dünya Bankı ilə birgə layihənin mümkün realizəsi ilə bağlı qərara gəlməyib", - təhsil naziri Misir Mərdanov cümə axşamı bildirib.
"DB layihənin hazırlanması üçün artıq qrant ayırıb, - nazir bildirib. Kreditin verilməsi və onun təxmini məbləği haqqında məsələ hökumətdə hələ müzakirə edilməyib".
DB layihənin hazırlanmasına 600 min dollar ayırıb.
Bu, Dünya Bankı ilə təhsil sahəsində dördüncü layihə olacaq. Azərbaycan hökuməti və DB sonuncu dəfə 2008 - ci ilin sentyabrında ölkədə təhsil sistemində islahatlar layihəsi üzrə ümumi dəyəri 45,4 mln. dollar olan kredit sazişi imzalayıblar.
Layihə orta, məktəbəqədərki təhsil və texniki - peşə təhsili sahəsində islahatları əhatə edəcək.
Bu, Azərbaycanda təhsil sistemində islahatlar üçün sonuncu güzəştli kredit olacaq. 2008 -ci maliyyə ilində güzəştli maliyyələşdirmə kvotasının başa çatması ilə əlaqədar olaraq, ali təhsil sahəsində islahatların təkmilləşdirilməsi üçün kredit yalnız Beynəlxalq Yenidənqurma və Inkişaf Bankının şərtləri ilə verilə bilər.
Təhsil sisteminin inkişafı üzrə hazırda fəaliyyət göstərən layihə bu sahədə 1999 - cu ildən mövcud olan təhsildə islahatlar proqramına əsaslanmış sektoral islahatlara yönəlib. Proqramın məqsədi - təhsil sisteminin keyfiyyətinin artırılması və ümumilikdə sektorun əsaslı dəyişdirilməsidir. Layihənin ümumi dəyəri 20,99 mln. dollar qiymətləndirilir. Bunun 18 mln. dolları DB kreditinin payına düşür. O, Bankın Direktorlar Şurasında 2003 -cü il mayın 27 - də təsdiq edilib. 5 mln. dollar məbləğində birinci krediti DB 1999 - cu ildə ayrıb.
Azərbaycanda təhsil sistemində islahatlar strategiyası 250 mln. dollar qiymətləndirilir.
Azərbaycan 1992 - ci ildən DB - nin üzvüdür.
Müəlliflə əlaqə saxlamaq üçün elektron ünvan: [email protected]