Rusiya, habelə OPEK-in üzvü olmayan daha üç ölkə dekabrın 17-də Əlcəzairdə qurumun keçirilməsi planlaşdırılan iclasında iştirak edəcək. Bu barədə OPEK rəhbəri Şakib Xəlil məlumat verib. OPEK iclasda iştirak etmək üçün Oman, Azərbaycan və Suriyanı dəvət edib.
OPEK-in İrandan olan təmsilçisi Məhəmməd Əli Hatibi bildirib ki, qurum bazarda olan neftin həcmini azaltmalıdır və bunun üçün OPEK-ə təşkilata üzv olmayan dövlətlərin dəstəyi lazımdır. Hatibi qeyd edib ki, qurum üzvləri bununla razıdır və indi qeyri-üzvlərin dəstəyinə ehtiyac var. Çünki onlarsız neft hasilatı həcminin azalmasının bazara gərəkli təsiri olmaya bilər.
Sonuncu dəfə OPEK neft hasilatı həcminin azaldılması ilə bağlı qərarı oktyabrın 24-də keçirilən iclasda qəbul edib. Belə ki, sentyabrla müqayisədə hasilat həcmi sutkada 1,5 mln. barel azaldılmışdır.
RBK-nın məlumatına görə, OPEK növbəti iclası dekabrın 17-də Əlcəzairdə keçiriləcək.