Azərbaycan, Bakı, 15 dekabr/ Trend , müxbir İ.Xəlilova/ Azərbaycanın Palmali şirkəti ölkənin ərzaq bazarında fəaliyyətini genişləndirir. Palmali Vergilər Nazirliyində PalFood MMC-ni qeydiyyatdan keçirib, - idarədən bazar ertəsi bildiriblər.
Şirkətin Nizamnamə kapitalı 11 min manat təşkil edir. MMC-nin əsas təsisçiləri Maarif Mənsimov və Palmali Bakı-dır. Şirkətin qanuni nümayəndəsi qismində Mais Mənsimov (Palmali Group-un prezidenti) təyin edilib.
PalFood MMC-nin hüquqi ünvanı: Bakı şəh, Binəqədi rayonu, Əcəmi Naxçıvani küç. 27, mənzil 83.
Palmali şirkəti Aralıq, Xəzər, Baltik və Qara dəniz hövzələrində yük daşınmasında ixtisaslaşıb. Bundan başqa, şirkət Rusiyanın daxili limanlarında daşınmalar üzrə liderdir. Şirkətin donanması şəxsi və icarəyə götürülmüş gəmilərdən ibarətdir.
Palmali, əsasən, neft məhsullarının (benzin, qazoyl, vakuum qazoylu, soba yanacağı, kerosin), xam neft, qida və sənaye yağlarınındaşınmasında ixtisaslaşır. Bundan başqa, şirkətin özünün quru yük donanması var. Bu donanma vasitəsilə bütün növ quru yüklər daşınır. Palmali Şirkətlər Qrupuna süd məhsulları istehsal edən PalSüd-də daxildir.
Müəlliflə əlaqə saxlamaq üçün elektron ünvan: [email protected]