Azərbaycan, Bakı, 15 dekabr/ Trend , müxbir Ü.İsmayılova/ "Yanvar - oktyabrda büdcə təşkilatlarının Azərbaycan Dövlət Sosial Müdafiə Fonduna icbari sosial sığorta üzrə ödənişlərdən 96 mln. manat borcu yaranıb ki, bu da Fondun büdcəsində kəsirə gətirib", - fondun rəhbəri Səlim Müslümov bazar ertəsi bildirib.
"Hazırda Fond bu problemin həlli üçün Maliyyə Nazirliy ilə məsləhətləşmələr aparır", - Müslümov deyib.
Onun sözlərinə görə, yaranmış defisitlə əlaqədar Dövlət Neft Fondu üçün dövlət büdcəsindən transfertlər azaldılacaq və yalnız büdcə təşkilatlarının borcları ödənildikdən sonra transfertlər bərpa olunacaq. Müslümov 2009-cu ildə də icbari sosial sığorta üzrə ayırmaların yığılması ilə bağlı problemlərin olacağını gözləyir.
2009 - cu ildə Fondun büdcəsində icbari sosial sığorta üzrə ayırmalar 1,27 mlrd. manat məbləğində nəzərdə tutulub. Özəl sektordan yığımların həcminin 35,6 faiz səviyyəsində artacağı gözlənilir, - Müslümov dəqiqləşdirib.
Dövlət Fondu rəhbərinin sözlərinə görə, 2009- cu ildə icbari sığorta üzrə ayırmaların yığılması ilə bağlı problem əsasən, gələn ildən muzdlu işçilərin ödəməyə cəlb edilməsi ilə əlaqədar, özəl sektorda yarana bilər. Sonuncuların sayı 30 - 40 min nəfərə yaxındır.
İyunun 1-nə olan vəziyyətə görə, fərdi uçot sistemi üzrə Dövlət Fondunda 1,77 mln. sosial sığorta üzrə üzvlük haqları ödəyicisi qeydə alınıb, onlardan 6,71 min nəfəri 80 ölkədən olan əcnəbilərdir.
Dekabrın 15-nə olan cari mübadilə məzənnəsi -- 0,805 AZN/USD.
Müəlliflə əlaqə saxlamaq üçün elektron ünvan: [email protected]
