Azərbaycan, Bakı, 16 dekabr/ Trend , müxbir Ü.İsmayılova/ Azərbaycanın Maliyyə Nazirliyi ölkənin bütün sığorta şirkətlərin Nizamnamə kapitalının ümumi həcmində xarici kapitalın iştirak limitini 30 faiz səviyyəsində müəyyən edib, - nazirlikdən çərşənbə axşamı bildiriblər.
İndiyədək xarici sığortaçıların hər bir sığorta şirkətinin kapitalında iştirakı, səhm nəzarət paketinin yerli kapitalda qalması şərtilə, 49 faizi ötə bilməzdi.
Bu, hazırda aparıcı sığorta şirkətlərinin ölkəyə gəlməsini əngəlləyən əsas amillərdən biridir. Bu arada, çox sayda iri sığortaçı mojaritar səhmdar qismində Azərbaycan bazarına daxil olmaq istəyir.
Hazırda Azərbaycanın sığorta bazarında kapitalın məcmu həcmində xarici kapitalın iştirak payı 10 faizədək dəyişir. Azərbaycanda 28 sığorta şirkəti fəaliyyət göstərir və onlardan beşində xarici kapital iştirak edir. Birgə sığorta şirkətlərinin sayı doqquza çatan dövrdə, xarici kapitalın Azərbaycanın sığorta bazarında kapitalın məcmu həcmində iştirak payı cəmi 8,5 faiz təşkil edirdi.
Ölkənin sığorta bazarında xarici kapitalın iştirakının liberallaşdırılması 2008-ci ilin martında təsdiq edilmiş "Sığorta fəaliyyəti haqqında" yeni Qanun əsasında qəbul edilmiş yeni qaydalara müvafiq olaraq mümkün olub.
Müəlliflə əlaqə saxlamaq üçün elektron ünvan: [email protected]