Azərbaycan, Bakı, 19 dekabr/ Trend , müxbir E.İsmayılov/ Azərbaycan Nəqliyyat Nazirliyi Bakı şəhərinin nəqliyyat infrastrukturunun boşaldılması üzrə ən iri layihələrin realizəsini başa çatdırır. Gələn həftə Bakıda Heydər Əliyev, Babək və Şah İsmayıl Xətai prospektlərinin kəsişməsində ən iri yol qovşağını istismara vermək planlaşdırılır, - Azərbaycanın Nəqliyyat Nazirliyindən cümə günü bildiriblər.
Yol qovşağını Akkord Şirkətlər Qrupu tikir. O artıq tikilən obyektlərdə sınaq işləri aparıb. Rusiyanın İMİDİS institutu tərəfindən həyata keçirilən sınaq prosedurları zamanı körpünün yükgötürmə qabiliyyəti, dayanıqlılığı, hərəkətin rahatlığı yoxlanılıb. Mütəxəssislər yeni yol qovşağının keyfiyyətini müsbət qiymətləndiriblər, - əvvəllər Akkordun məlumatında bildirilib.
Bu yol qovşağının tikintisi 2006-cı ilin avqustunda başlayıb. Ümumi sahəsi 2 min kvadart metr olan qovşaq dörd nəqliyyat körpüsü və iki tuneldən ibarətdir. Layihə çərçivəsində, buradan keçən dəmir yolu körpüsü də yenidən qurulub.
Layihə reallaşdırılarkən ilk dəfə olaraq yeni yol örtüyünün isidilməsi sistemi tətbiq edilib. Havanın temperaturu 0 - 4 dərəcə arasında dəyişdikdə avtomatik olaraq işə düşür, temperatur yüksəldikdə funksiyasını dayandırır.
İlin sonunadək Heydər Əliyev adına prospektin genişləndirilməsi üzrə işləri də başa çatdırmaqnəzrdə tutulur. Yolun eni 32 metrdən 50-55 metrədək genişləndirilib. İşlər başa çatdıqdan sonra bu istiqamətdə yol onxətli olacaq. Bundan başqa, işıqlandırma sisteminin yenilənməsi aparılıb, - nazirlikdən deyiblər.
İlin sonunadək "Məşədi Əzizbəyov" metro stansiyası - Heydər Əliyev adına Beynəlxalq Hava Limanı istiqamətində avtomobil yolunu da istismara vermək planlaşdırılır.
Bütün işlər Azərbaycan prezidentinin Bakı şəhərində nəqliyyat sisteminin təkmilləşdirilməsi haqqında sərəncamı ilə başlayan paytaxtın nəqliyyat infrastrukturun boşaldılması layihəsi çərçivəsində həyata keçirilir.
Müəlliflə əlaqə saxlamaq üçün elektron ünvan: [email protected]