Azərbaycan, Bakı, 25 dekabr/ Trend , müxbir Ü.İsmayılova/ "2009-cu ildə real sektor [büdcədənkənar təşkilatlar] dünya böhranınə görə icbari sosial sığora ayırmaları üzrə proqnozları yerinə yetirə bilməsələr, Azərbaycan Dövlət Sosial Müdafiə Fondu (DSMF) pensiya ödənişlərinin kompensasiyası üçün proqnozlara yenidən baxmalı olacaq", - Fondun rəhbəri Səlim Müslümov deyib.
Onun sözlərinə görə, "aparılmış hesablamalara əsasən, real sektorda əmək haqqı 35 faiz artacaq, icbari sosial sığorta ödənişlərinin artım templəri isə, 36,4 faiz səviyyəsində proqnozlaşdırılır".
Əmək haqqı üzrə 35 faizlik artım templəri əldə edilməzsə, DSMF əhaliyə pensiya ödənişlərinin təmin edilməsi üçün bir sıra inzibati tədbirlər görəcək. Tədbirlər ölkədə işləyən hər vətəndaşın məcburi qeydiyyatını nəzərdə tutur, - Müslümov vurğulayıb.
Yanvar-oktyabrda büdcə təşkilatlarının icbari sosial sığorta üzrə 96 mln. manat borcu yaranıb ki, bu da Fondun büdcəsində kəsirə gətirib, - DSMF rəhbəri əvvəllər deyib.
Fondun 2009- cu ilin büdcəsinə icbari sosial sığorta üzrə yığımların 1,27 mlrd. manat səviyyəsində olacağı gözlənilir. Müslümovun sözlərinə görə, gələn ildən muzdla işləyənlərin icbari sığorta ödənişlərinə cəlb edilməsi ilə əlaqədar, 2009-cu ildə bu ödənişlərin yığımı ilə bağlı problemlər, əsasən, özəl sektorda ola bilər. Onların sayı 30 - 40 min nəfəri ötür.
Azərbaycanda icbari sosial sığorta ödənişlərinin həcmi 25 faiz təşkil edir (22 faiz işəgötürən tərəfindən əmək fondundan, üç faiz işçi tərəfindən əmək haqqından ödənilir).
DSMF - nin 2009-cu il büdcəsi 1,7 mlrd. manat səviyyəsində gözlənilir.
Dekabrın 25-nə olan cari mübadilə məzənnəsi -- 0,8017 AZN/USD.
Müəlliflə əlaqə saxlamaq üçün elektron ünvan: [email protected]